Koniec szkoly

Pohodiczka "dóma"

Thanksgiving 26/11
We czwortek my byli zaproszóni do dómu Amandy na amerycki świynto Thanksgiving. Bylimy tam wszyscy, każdy cosi prziniósł a jadło se kupa, kómpało w bazynie aji my warzili. Ściopały se tam moji krówki, Alex tam mioł szwajcarskóm czekulade, robilimy completos a jaksi amerycki tiestowiny ze syrym :D :D na dezert była zmrzka. 

Gala de Rafi 26/11
Puźni my szli na gale od Rotexaczki Rafi. Tymtu rokym zakóńczyła średnióm szkołe a na kóniec majóm takóm slawnostnióm gale, tak my jóm tam byli podporzić. Było to fajne, ale strasznie dłógi. Potym nóm uż aji była zima, padoł deszcz a Rafi była wywołano na scene za grani szachów i choć ich nigdy nie grała, ale dostała medaile!! :D Było to komiczne, też wszyscy szli na scene za każdy pierdoł aji rodzice. Zakóńczyło se to asi o 23, ale był tam host Tata, tak jak żech go naszła, tak żech potym z nim jechała do dómu.

Ostatni dziyń 27/11

W pióntek 27.11. był ostatni dziyń szkoły dlo naszych starszych klas na ICH. Mieli my dopołednia lekcje a klasa miała pisać swój ostatni sprawdzian, ale nic nie było. Po drugi przerwie 12:15 my uż mieli lekcje z wychowawcóm. W klasie my zrobili kółko ze stołków a w środku był stół na kiery my naskłodali wiecy, co my mieli przidzielone na żranice.
Amigo secreto je o tym, ze je przidzielono osoba a kupuje se podarunek. Jo miała przidzielonego Lennygo, kierymu żech aji własnoryncznie wyrobiła balici papiyr a dostoł aji krówki ;) Natomiast dostałach podarunek od Nacha a to była piekno plażowo szatka. Przedtym my eszcze wybiyrali nejlepszego kolege/żanke z klasy (wygrała Karla). Potym my se uz puscili do jedzynio (zaś)! Było tam wszystko możne. Skóńczylimy dość wczas, a tak żech eszcze miała pół godziny. Z Filipym a Juanym my grali amerycki fotbal a o 13 mnie wyzwedła Jeniffer (żóna mojigo kancelora) ze swojóm córkóm a 3 dziołchami z Costa Rici.

Obiad, feria, gobernación a kosciol 27/11
Zajechalymy do jejigo domu na przepyszny obiad. Przedkrm duzo zeleniny, salatki, pomazanki. Dani bylo z zimiokowom kaszom, parowkami, kurczokym a zeleninom. Jako dezert byla zmrzka z owocami. Dziolchy se przewlykly a jechalymy do Colegio Ingles na ferie sprzedowac wiecy. Bylo to piekne, ale troche nuda. Po 2h tam my se zbalily a jechaly do domu, tak se zas przewlykly, uz przijechol Jimmy a jechalymy na Gobernación (urzad). Tam miol chor takom skuszke a nie wiym co. My z Jeniffer a Constansom szly na kawe. Wyzwedlymy ich a jechalo se do kosciola, kaj byl przeglond chorow z Lacinski Ameryki. Bylo to fajnie, aji fotki mom. Potym uz bylo kole 22, tak zech uznala ze by bylo lepsze zajechac do domu a isc spac.

Beatriz 28/11
W sobote po obiedzie zech byla z mojón Rotexaczkom. Zaszlach do jejigo domu a mialy my isc jezdzic na kole, ale byl neskuteczny hyc. Potym mi host tatowie wolali, co se dzieje a kaj zech je, bo w domu se spuscil alarm. Tatowie byli z Isi w Santiagu kupowac nowe auto dlo Mamy ( kupila se skoro to samo akurat o 3 roki mlodsze a nowe). Tak my zustaly doma, poopowiadalymy o jeji wymienie a bla bla... :D bylo fajnie, ale myslalach fort o tym alarmie. Tak zech potym szla do domu, kaj uz wszyscy byli a nic se nie stalo, bo alarm spuscily zwierzoki. Na 19  my szli na fotbalowe bojsko, kaj se akurat kóńczył jaksi turnaj im. siostrzinicy mamy, kiero umrziła na raka. Jako czestni rodzinni zastympcy my siedzieli w piyrwszym rzyndzie a cosi kajsi.. Byla tam ciocia Marisol (segra), wujek Julio, mama (siostrzynica) a tata + jo. Porozdowaly se medajle, mało przekąska a jechalimy zaś dali.

Fiesta de Rotary 28/11

28.11.2015 byla akcja Rotary Clubu Los Andes. Bylo to cosi jako kosztowaczka win, zaczło to o 21. Byłach jedyno wymienno studentka, bo wszyscy insi se na to wykichali. Wino żech ani nie wyskuszała, bo nimogymy, ale miałach aspóń dżus, syr a co tam było. Był program: różne kapely, śpiywocy, brziszni tanecznice a bla bla. Siedziałach z Jenifer a dziołchami z Costa Rici, też z dyrektorym tej szkoły (rodzice Amandy). Przi kóńcu mnie wycióngli na scene, troche żech se zareprezentowała a bla bla, losowały se ceny w loterii a przi kóńcu, jak uż była wolno zabawa a możne se kónecznie zaczynało tańcować, tak my jechali do dómu 00:30 (z babcióm, ciocióm a my).

Obiod u wujka 29/11
W niedziele mnie sice zaprosili aji Rotariani na obiod, ale jo uż pryndzyj była zaproszóno do wujka Julia Wolfa. Tak my tam jechali wszyscy na obiod aji z babcióm. Miyszko w Los Andes, ale na drugi strónie. Mo suprowom chałpe a był strasznie smaczny obiod!! Wyskuszałach typiczne w Chile chicle de choclo, każdopadnie to szmakowało ciekawie! :) Opowiadalimy kupa, potym my aji fotki oglóndali z moji Patagonii a od wujków z Europy! Tatowie Pati a Eduardo tam usli aji pochrapkowali :D Hned my ich też wyfocili!! Wujkowie kupa pojeździli Europe w tym roku aji z Hiske (dziołcha z Holandii co miyszkała we stejnej rodzinie co jo teraz) odwiedzili. Potym my se pozbiyrali i jechali do dómu.

Chór 29/11
Wieczór żech zaś spyndziła z chórym. Zaszły my z dziołchami do Espacio Urbano na nakupki, ale jo se nic nie kupila ;). Przewlyc do jejich dómu a na wieczerze ze wszystkimi. Pomówiłach z kierowniczkóm chóru a z człónkami, aji gościciele mieli pytania a taki jedyn dziadek se chcioł fórt zymnóm opowiadać, nie chcioł mnie puścić! :D Pożegnałach se z nimi aji żech podarunki dostała :) Od dziołch specialny pin z życzyniami a od Allana móm tradycyjny filter na przygotowywani kawy/herbaty. Pry mi eszcze cosi dziołchy niechały u Jenifer, ale nie wiym co. Też żech im cosi podarowała. W roku 2017 jadóm do Europy do Nimiec, tak se możne uwidzymy. Sóm strasznie mili a jech zaproszóno na Costarice, że mogym spać u nich w dómach a tak. :) Moc mili ludzie, bydó m mi chybieć. Potym mnie odwiyźli do dómu.