Piyrwszy dziyń szkoły... 18.8.

Rano mnie Tata obudził, pośniodali my wszyscy razym. Oblykli uniformy, właściwie to żech szła zrowna w teplakowce, ale to je też czynść uniformy! :D W bondach nawleczoni my po ćmi naskokali do aut a jechali do szkoły. Brama od dómu, brama od ulicy, sóm my na głównej, ale chwile czakómy, bo je strasznie wielki prowoz. Smykym my se zarzadzili a jadymy w połówce cesty zaczyno kolona, tak se asi ostatni km ku szkoke odstajymy w korku. Ciynżko se hledo miejsce na parkowani, ale kajsi my to wcisli :). je to wielki budynek a studenci se schodzóm z każdej stróny. Od tych nejmiynszych, bo szkoła im zaczyno w 5 rokach aż po tyn mój rocznik, bo kóńczóm w 18. Wchodzómy do środka z kamsi se zaś witóm, cosi do mnie mówiom, ale eszcze fórt kapke spiym. Zadzwóniło, bracha odeszeł, Mama też a jo szła z jaksim profakym, kiery cosi na mnie skuszoł po hiszpańsku. Weszli my kajsi, pełno puharów, sóm my na polu, idymy po schodach, same zataczki, wubec nie ścigóm pojmować, przeszli my kole klasy, pełno studentów se na mnie dziwo na korytarzu, bo idóm po dzwónku. Konecznie se tyn principal zastawił, ahh to asi bydzie moja klasa, weszeł tam, nakukłach, supeer asi bydym z Bérengére [Berążé] z Belgii, zaroz my se radośnie zaczły witać. Smoła. 

Kludzi mnie spatki do poprzedni klasy, wciągo mnie do środka a cosi mówi po hiszpańsku. Hned co to dorzyk se pojawił w klasie hromadny rzew a wszyscy klaskali, ewidentnie mnie witala a byli radzi. Zaroz mi urczili miejsce, siedzym w piyrwszej ławce :( a zaroz przi dwiyrzach, puźni żech zisciła, że to wyhra moc nima, bo tam je nejwiynkszo kosa!! Odchodzo a niechuje mnie na pospas losu.
Po chwilce je kole mnie grupka studentów, jako piyrwszy mnie otestowoł cabezon :D
obstołach, ale w klasie była bourzliwo reakcja.. Prziszeł profe a zaczło se, ale tyn dziyń był specjalny.. Wszyscy mi to mówili ale jaksi żech to nie pojmowała. Dziołchy z klasy mmi pumogły kupić pici w bufecie, celkem lewne liter wody mnie stoł liter pesos (1000CLP)  :D Na dalszej lekcji szli wszyscy na completos a dzus do bufetu. Completo je taki obrzi parek w rohliku ze wszystkim- keczup, horzczica, majoneza, palta-rozdrcone avokado(bez chynci)! Potym se szło do klasy nic se nie  robiło yny kecało. 

Na dalszej lekcji my wszyscy szli prycz, po ceście żech se dowiedziała, że idymy do szkoły kaj sóm dzieci z biednych rodzin a wszyscy se cieszyli a byli radzi, że mogóm pumoc. Szli my przez miasto tako banda z nauczycielym, kiery wtipkowoł ze studentami, dołączyli do nas Tammar a Lennard (student z Nimiec też z Rotary). Prziszli my na miejsce, asi woźno nóm odewrziła bramke. Dostali my se do arealu szkoły wielki podwórko a kole tego taki "hangary" w kierych se uczyło, ale jako w klidu nie myślcie se nic złego ;). Szli my do takigo ogrodzónego ogródku, kaj były przełaźnie a dómki, we szli my do "hangaru", kaj se uczyły nejmłodsze dzieci. Było ich tam asi 15, cało naszo klasa tam weszła a zrobili my kole nich taki kółko. Ty dzieci mógły mieć asi tak 5 roczków. Pani nauczycielka im opowiadała cosi, że my sóm z innej szkoły a dzisio je specjalny dziyń, ale jak usłyszały, że se bydymy razym bawić na podwórku, tak buchła fala radości. Wszyscy zaczli krzyczeć a uż uż chcieli lecieć na pole, ale pani ich eszcze zastawiła, wszystkich nóm ich przedstawiła po imieniu. Było to strasznie roztomiłe, jak my dycki odpowiadali: "Hola Diago.. Hola Cornelia.." :) Moji koledzy każdymu rozdali paczek kaj był asi dżusik, lizatko, jaksi bónbóny, jo nie wiym, potym każdy dostoł jaksi zwierzónko jako zabawke a potym to zaczło. Wszyscy se puścili ku tym maluchóm, też żech to skusiła.. Tako mało dziołszka, piyrwsze se strasznie stydziała, ale potym se rzmówiła a to był troche dlo mnnie problem :D, bo moja hiszpańsko zasoba słów nima dużo! Wszyscy my wylecieli na pole.. Było pore grupek grających fotbal, ale z tymi małymi, ci syncy se starali zrobić wszystko aby im wyczarowali uśmiych na twarzy, se tam wolali po ziymi a puszczali gole, ale tak fajnie. Dziołchy tam grały bowling, schowke, jaksi wyliczanki, góńke, zawody z autami. Wszyscy se dobrze bawili, potym se zaczło malować. Zrazu tam było pełno spidermanów, a kksiężniczek ze serduszkami na twarzyczkach, w kóńcu se im to tak zapodobało, że Ci mali też chcieli malować! Wszak wiycie jak malujóm małe dziecka... Jo wyglóndala jak wlajka cało twarz w trzech kolorach asi żech była spisz kolorowanka :D Ale ty dziołszki z teo miały fakt radość, że mnie mógły zmazać. To obywatelski współżyci a łaskawość tu sóm fakt ważne, a to se mi podobo. Z pore dalszymi my szli rozdować dalsze paczki do starszych klas. Ci malutcy sóm suprowi a cenióm se każdej gupotki. Nastoł czas jedzynio, nikierzi z nimi szli do stołówki, ale naszo grupka to wezła na taki bojsko asi sala gimnastyczno, ale na polu a zastrzeszóno a ogrodzóno. Grała muzyka, tańczyło se (aji nasz klasowy tańczył z tymi prckami!!), groł se basketball, voleyball a ZIMNIOK!! Tym my se zabawili na strasznie dłógo aż nadszeł czas iść.. Jak my odchodzali, tak mieli wszyscy uśmiech na twarzy a mawali nóm, my se wrócili do szkoły a w klasie poczkali na dzwónek (13:45). Wszyscy se zaś zaczli żegnać, tak każdymu puse.. a hledać brache, kiery mnie mioł wyzwednyć a odkludzić do dómu. Po chwilce żech go naszła a szli my na zastawke.

 Wyjaśnił mi, że mogym jechać wszystkimi żółtymi autami-taxi, żółtymi minibusami-szkolne a busami. Wszystko se zastawi, jak wycióngnym rynke przed siebie a jak chcym wysiednyć tak muszym rzyc kaj albo po ceście rzyc stop. :D To je easy, ale eszcze je problem z płacyniym, bo sóm różne ceny w busie- escholar, local, w taxi eszcze inaczy. Wysiodómy a przed nami brama, dzwóniymy a Nana otwiyro, dóndymy ku dómu dalszo brama, zaś dzwóniymy a zaś nóm Nana otwiyro, miyndzy tym przijechała Isi swojim minibusym. Kónecznie dóma(14:00). Zaroz je jedzyni, chwila na spocznyci a zpatki do szkoły. Przed dómym nas wyzwednył Samuel autym (15:00) a jadym do szkoły. Po cescie se dowiadujym, że se muszym wybrać ART tj.: muzyka, plastyka, taniec albo informatyka (do dzisia nie wiym kaj żech je). Lekcje nie były a tak żech yny czakała z klasóm na PE(gimnastyka). Owszem na gimnastyce cały nasz rocznik tańcowoł jaksi narodowy taniec. Moc mnie to nie cióngnie, potym jak żech widziała w jakich strojach mómy tańcować. Po gimnastyce po mnie zaś prziszeł bracha, z inszymi my zagrali zimioka, potym odeszli, tak my eszcze grali voleyball przez branke, majóm to celkem wykucóne! :D Nakóniec my eszcze skoczyli se kuknyć na zapas a aż wieczór po nas przijechoł tata. Tak żech była w dómu dość puźno. Wieczerza...

Los Andes :))

Tak ja tym że se mi uż asi 3 razy wymazała Viña del Mar, tak se mi do tego nie chce. Każdopadnie to było 3-dniowe zgrupowani wszystkich wymiennych studentów naszego Distriktu 4320. Kaj były różne prezentacje, przigotowania, gry a wyrządzani dokumentów. Byli my tam od 15.8. do 17.8.. Popoledniu se nas rozpuszczało nikierzi jechali zpatki do Santiaga a lecieli samolotym, a po mnie trzeba przijechoł tata-Eduardo z brachóm-Eduardym (Lalo) a z jego nejlepszym kolegóm Franciskym (Leczo albo jaksi tak) :D, przijechali autym. Jo miała informacje, że po mnie przijadóm aż wieczór o 19, ale pojawili se dość wczas! Siedziałach z inszymi eszcze w salonie a kecali my, a w tym prziszły koleżanki, że przijechała moja rodzina! Nie wiedziałach co móm robić, ale byłach szczynśliwo a zaś se mi chciało beczeć. Prziszłach do chaosu, bo se tam zrowna zbiyrali studenci, co jechali na lotnisko, ale po chwilce żech ich naszła. Stoli na drugi strónie, ale jak mnie uwidzieli, tak byli też zmateni!! :D NI sranda rozeszli se w mojim smieru :P Prziwitali my se, sóm fakt malutcy, dostałach kwiotko (taki special niezwykłe zabalyni) a jo potym leciała po wiecy aż na wrch.

Było to super wiedzieć, że uż tu je gdosi, gdo se o mnie postaro. Zaroz mi wezli kufry, jak żech ich prziwiózła a szli my do auta. Cesta była dłóogo, ale fórt my kecali. Francisko to schytoł a siedzioł zymnóm w tyle. Spisz żech oglóndała, co je za oknym a pytała se na wszystko. Były tam obrzi gory, ale fórt mi twierdzili, że to zaś tak wysoki nima, co chwile żech se pytała czy to uż je wysoki, ale dycki to było małe. Asi po godzinie uż była jaksio gora tak średnio wysoko!! :D Pore razy my zastawili aby my cosi kupili, ale przi ceście sóm wybrzidusi, jeśli żech to dobrze pochopiła :). Sóm tu jaksi owoce, co wubec nie znóm a aji jaksi sady, celkem ciekawie to wyglóndo. Kónecznie my byli w Los Andes, celkem żech se cieszyła, syncy mnie chcieli weznyć na volleyball, ale byłach dość zmynczóno.
Przijechalimy do dómu, prziwitała mnie Isidora-segra a Nana-gospodyni. Zaroz mi pokozali dóm a tak. Nie zezuwo se tu, chodzi se normalnie w bótach. Było celkem zima a jedyne urzadzyni, co tu je na zagrzoci se je maly krb-ek! Na drugi strónie dómu niż je mój pokój. Auto zaparkowało zaroz przed dwiyrzami, weszło se do kuchyni przez jadalnio-obywak, przez siyń a w korytarzu móm dwiyrze drugi na lewo. Cały pokojik móm dlo siebie! Mama mi asi przed miesióncym posyłała wzornik barew, że pry jaki chcym pokojik, a fakt żech miała czerstwie wymalowane! Tym że bracha odjyżdżo w niedziele na rok do Kanady, żech obsadziła jego miejsce. Wiyncy jak 1/4 pokojika zabiyro łóżko!! W szafie żech uż miała nikiere czynści szkolnej uniformy. Ciepłach se tam wiecy a szli my na pole, majóm dwa pieski- wielki a mały- a kocura. Miana se absolutnie nie pamiyntóm :) Majóm tu dość wielki bazen a asi pół godziny my aportowali psa, je fakt neunavny. Potym Tata z Franciskym pojechali, Eduardo szeł na volleyball a jo zustała ze słóżkóm a małóm segróm. Na poczóntku to było fajne, ALE obie sóm strasznie ukecane, mówióm strasznie głośno a rychło a nie umióm po angielsku. Zaczłach se wybalować, obie cosi mleły, jo yny przikiwowała boch była zmynczono a snażyła se wnimać , ewentualnie rozumieć. Wieczór przijechała Mama-Patrisia :). Powieczerzali mi razym przi stole, cosi o uniformie se mówiło, bo żech musiała wyskuszać rozmiar, bo zaroz dalszy dziyń-we wtorek, żech szła do szkoły. Na kóniec żech szła w mundurku na ćwiczyni, tj. teplaki, tryko, mikina a moja bónda. Ja eszcze kómpielka, móm kompielke z Isidoróm na pół, ale nejlepsze je kómpani! Ciepło woda tu mo ganc inszy pojem (tym chcym podziynkować Tatowi za wycwik z ciepłóm wodóm!! :D) Woda tu je troche cieplejszo niż w potoku na Zwerowce, a to mi jóm ogrzywali!!! :) Każdopadnie nahrada za to je wygrzywane łóżko!! Je to jaksio deka, kiero mo w sobie cosi jak je na wygrzywani szyb w aucie podle mnie, a to strczym do zasuwki a łóżko se rozegrzeje. Godzi se to, bo tu sóm drzewianne okna, kiere nimajóm tiesnieni. Taki jak kiejsi miała moja prababcia Krainka, ale ona miała luxusni, bo "dwou wrstwe". Troche nie zwyk chodzić fórt w botach. Inacz jak noc była dobro, rano mnie Tata obudził, oblyc uniforme, umyć, pośniodać wszyscy razym a rodzice nas wiyzli do szkoły...

OM I - Viña del Mar

Sobota 15.8.

Zastawili my przed hotelym, wybalili wiecy a na recepcje  my chodzili po jednym a dostali my karte od pokoju. Na pokoju 326 żech byla z niymkóm Ann-Sofie (15) a ameryczankóm Amandóm (18). Bylo to wielki, mieli my suprowom kompielke, ale yny my tam zaniósly wiecy a szlo se na obiod (15:00). Jedzyni = kupa zeleniny. Ale bacha kazde jedzyni bylo aspóń z 3 dań - przekrm, dani a dezert.

Po jedzyniu była chwilka na przewleczyni a zaroz se szło do kongresowej sali. Tam my se kazdy przedstawili a poslochali my prezentacje, reguly, ciekawostki o Chile a co se bydzie robic, na co se dowac pozor, co se sloszy a co se od nas czako. Bylo to strasznie dlogi a wszyscy my byli zmynczoni a nikomu se wubec nie chcialo, akurat my tam usynali. Potym mieli wolno, juchuuu, ale yny pol godziny a szlo se na wieczerze(18:00) kajsi prycz. Na polu byla fakt zima, staralach se nawlyc, co to szlona abych nie rozkutala moc kufer :D. W 4 warstwach a czopce zech na koniec wyrazila, stejnie to jie poglo. Po 15 minutowej przechadzce cudzym miastym z akompaniom pore psow my dorazili na miejsce. Strasznie piekne miejse, ale byli my na polu, kazdy stolek inszy, tuny prziborow uz se yny wybrac miejsce. Siedzialach z Hannom (A), Madym a Saszóm (DK). Byla sranda, mowili my o wszystkim, wymyslali gupoty. 

Przedkrm - salatka, ryza w listkach a oczka z jarzynowom pomazankom

Glowne danie - kurczok z zimniokami ze zeleninom

Dezert - nalesniki ze zmrzkom

Miyndzy daniami my se starali zagrzoc przi takim strasznie malym piecyku, ale to fakt nie szlo, se przedstawcie, ze 8 ludzi se stqro ogrzoc nad horzakym na trombie. :D

Wszyndzi tam bylo pelno kablow od elektryki, tak jak momy jedyn albo dwa kable, tak tam ich bylo asi 20 a fakt se to wszystkim zdalo normalne ;) Cestom z powrotym zech se starala komunikowac z Leonelym a Hektorym po hiszpansku, ale symtam my se pumogli angielskim.

Niedziela 16.8.

Rano sniodani stylym szwedzkich stolow celkem pocieszylo! Od 9:30 my mieli zajyncia z Rotexakami. Zas se wszyscy przedstawiali a mowili cosi o sobie ;) Byla gra z balonym, tyn gdo miol balon se mog pytac Rotexakow na co chciol. Byla to celkem sranda. Potym my se pozbiyrali a szlo se na pole. Szlo se w drugom konecznie, po taki glownej ulicy az my doszli na taki ryneczek, kaj byly godziny z kwiotek! Je to szwajcarski napad w Chile. Wszyscy my se tam wyfocili a szlo se dali, teraz po nabrzeżu :D Bylo to fakt strasznie piekne aji to wyglondalo troche jak w Ameryce. Takom przechadzkom my se dostali do takigo parku, kaj uz na nas czakalo pore ludzi. Piyrwszo byla zas gra, wszyscy my byli w kolku a mowilo se cose nom niepodobo na tym z lewa a co se nom podobo na tym z prawa, jak my objechli cale kolo, tak prziszel zbytek prawidel. To co se nom nie podobo my teraz musieli ugryzc a to co se nom podobo pocalowac, bylo to celkem wcipne, ale kupa ludzi schytalo boty. Po grze byla ukazka na slackline, a potym se to mog kazdy wyskuszac. Gralo se woleyball a tak, celkem dlogo my se zabawili a zas se szlo prycz, bo uz na nas czakali Rotarianie w restauracji. Wieczor my se mogli wybrac z kurczoka, miynsa, ryby albo morskich obludek. Teraz my kazdy dostali to, co my se objednali. Owszem zas byly 3 dania

Przedkrm - buleczki z roznymi pomazankami

Dani - Ryba z ryzym a aji pore potwurkami, wyglondslo to famoznie

Dezert - czekuladowy rzez, mogli my se wybrac

Po obiedzie my zas szli wszyscy na hotel. Wszyscy mieli wolno a wymiyniali placki, yny naszo grupka z Los Andes miala spotkani z kancelorym z naszego klubu. Cosi nom tlumaczyl o naszym klubie, focil nas, dol nom wizytki z informacjami o waznych ludziach w  klubie a tak. Potym zech na rychlo eszcze skusila powymiyniac odznaczki a byl dalszy program. Zas na wrchu w konferenczni mistnosti. Byly dalsze prezentacje, tanczyli my wszyscy na jaksi typiszne rytmy a w grupkach my przedwodzali krotki skecze. Bylo super naprziklad lowiyni ryb w Finlandii, emocje Rotary studenta a my mieli spisz yny slownie, ale w 5 jynzykach naroz: 'Czau, jak se mosz? Nazywóm se Ania. Chi, chi, chi,le, le, le, vivat Chile!'

Potym my szli na wieczerze, wszyscy se pouczyli a nawlykli se. Z pore dziolchami my se domowily, ze weznymi wlajki. Jedlimy w jaksi mistni sandwich-ownie. Kazdy se wybrol co chciol z jadlospisu, ale moc zech nie rozumiala. Kazdopadnie zech miala jaksi sendwich z miynsym, ale aji syr a worzt, pieknie 50:50 z Hannah. Bylo tam pelno zwierciadel a tak ichoc my nie siedzieli razym, tak my mogli wszystko widziec a wszystkich. Na cescie zpatki my szaleli z wlajkami, som jaksi widea, ale nimom ku nim dostymp. Wieczor my eszcze blbli na pokojach a spiywali a tak. Eszcze zech se pobalila, bo rano se wczas stowalo. Do 8:30 my mieli miec kufry w konferenczce a byc po sniodaniu.
Poniedziałek 17.8.
Na czas zech czakala z pasym na dole, ale kajteztam pieknie zech se naczakala. Po warkach my szli na PDI-policia de i.. tacy detektywowie, tam kazdego wyspowiadali, zrobili nom fotke, zapisali nas do rejtriku a dostali my kopie dokumentu, co my podpisowali. Strzidaly se warki, odwozali nas na urzad, kaj my czakali w strasznie dloogi froncie asi 2h, straszno nuda. Na przepazkach nas zas zpowiadali, oddowali my to z PDI, kopie pasu a kopie wiza a snad odcisk kazdej czynsci naszych rak. Bylo by fajne gdybych nie musiala czakac na ostatnich, ale aspon zech poznala wymiennych studentow aji z inszych organizacji. Po jaksim czasie my zas szli po warkach na hotel, skisli my przi naszych bagazach a gralimy karty. Kopiowali nom ty dokumemty a dostali my piyrwszom 'wyplate'. Potym byl wspolny uroczysty obiad z guvernerym Rotary w Chile. Zas suprowy obiod: 

Przedkrm - buleczki z maslym, salatka zeleninowo a syr

Dani - miynso, ryza, zelenina
Dezert - owoce ze zmrzlinóm
Podczas obiadu do nas cosi huczeli, a potym uż odeszli Ci co lecieli samolotym a pumału przijyżdżały rodziny. Jo miała czas, bo mi bracha mówił, że przijadóm o 19, ale zmiana... Po chwilce za mnóm prziszły koleżanki, że se po mnie prziszli!

Piyrwsze chwile...

...Przi wyjściu uż czakali Rotariani a pełno taxikarzów. Wszystkich nas witali, Leonel (conselor) nas wszystkich znoł po imieniu, każdego obejmnył a mucknył z pytaniym: ¡Hola, como estas? Wszyscy my se przesunyli o cosi dali, a tam nóm kontrolowali pasy, razitka a imiona a wszystko. Po jaksim czasie ku nóm doszła Kaitlin :) Społym z Rotexakami a Rotarianami my szli ku autobusu, kaj uż czakała piyrwszo grupa, kiero przileciała z Europy. Na polu była kosa jak fix a jo całóm ceste leciała w tilku... :D Chwile nas niechali wymarznyć, bagażnik był pełny, tak nasze kufry ciepali do środka (nanieszczynści tyn mój zrowna zniszczyli). Kónecznie my naskoczyli do busu, uż przedtym gdosi na mnie kiwoł.. ahhh Hanna (rakuszanka)! Autobus wyjechoł. Zrowna se dziwali na jaksi sci-fi film, tak my mieli rozptyleni z tej kosy. Po chwilce my zastawili, a naszo amerycko grupka szła na śniodani do motorestu. Mogli my se wybrać, co my chcieli. Był tam zmatek, nigdo porzóndnie nie wiedzioł, co robić. Na kóniec my mieli swoji życzyni powiedzieć Rotaxaczce a oni to kupili. Sice se to zapisowali, ale stejnie żech dostała cosi inszego! :D Mój hot dog completo nie był aż tak zły aż na jaksióm zielónóm smieske :) Pojedli my a szli zpatki ku busu, wszyscy my byli zmynczóni, ale przesto szczynśliwi. Zaczły piyrwsze wspólne fotki, była sranda a barwa mojego saka mo fakt wygode, NIMA MOŻNE że byście mnie przehledli!! Wszyscy my naskokali do środka, miejsca było mało, tak my byli po 3, a tak. Wszyscy se nadszónie zapoznowali jako nikierzi usli, ale to nima podstatne. Jo spisz pozorowała okolice, je to cosi, co moc nie idzie popisać słowami. Je tu przepieknie, same góry, krajobraz ludności raczy ubogi, ale o to wiyncy szczynśliwy  a wdziynczny. Natura tu je jak w bajce, to je cosi co se nie oglóndo, ale przeżywo. Przejyżdżali my wioskami a pustymi miejscami, sóm tu płacóne useki, kupe widać płoty z kolcami albo ohradnikami, nie wiym jak to nazwać, ale troche niebezpiecznie to wyglóndo! Po jaksim czasie my dojechali do Viña del Mar. Wszystkim opadła szczynka, byłych na drugi strónie, tak mój widok był niestety spisz yny na mobily od mojich kolegów... :D
Je to tu dejechali my do obrowskigo miasta! Tym że je w kopcu, tak tworzy fakt niesamowity widok! Cosi jak Miami :D wieżowce, ocean, ulice, fakt niesamowite! :) Kónecznie na miejscu.

Už je čas

Poslední týden jsem ani nezastavila. V sobotu jsme měli velkou akci doma, to bylo rozloučení s rodinou. Hned na to jsem jela na tábor a zjistila jsem, že nejlepší je být hostem :D. Po skvělých pár dnech bez elektřiny, v horku a s vysychající studnou jsem jela zpět domů. Už tam jsem měla těžké srdce, ale slzy jsem udržela. Dobalit, nic nezapomenout a hlavně se vejít do rozměrů a váhy! Nepřetržitě mi přicházejí tuny zpráv a hovorů, všichni se chtějí setkat (owszem Perełke nie idzie odmitnóć-pozdro!!). Ve středu už začala první ze série třídních oslav 18-tin, samozřejmě jsem chtěla být alespoň na jedné. Nezapomenutelné okamžiky, super parta a ráno loučení… na rok. Ani to nebylo lehké, ale jsme teprve u čtvrtku ;). Už jsem se definitivně sbalila. Doma jsme měli zrovna návštěvu z Anglie, tak jsem se alespoň trochu odreagovala a procvičila komunikaci s cizími lidmi. Dali mi pár rad k odletu, protože to počítám jako svůj první let!
Poslední noc ve své posteli, v tak bezpečném místě. 14.8. ... Ráno pár silných objetí, pusu, na nikoho nezapomenout. A jedem. Cesta do Prahy celkem fičí (vyjeli jsme v 9 a už v 13 jsme byli u letiště). Letadlo letí až v 18:30, tak času máme dost. Zajeli jsme na oběd, a pak do hotelu kde budou rodiče spát. Po cestě autem jsem se aspoň protáhla v bazénu, a dala trochu do kupy. Rodiče byli dost nervózni. Studovali plány letišť a všeho možného, aby mi pomohli se zorientovat. Už je čas vyrazit na letiště. Ještě mi volala babička a teta. Bereme věci a jedem. Na letiště jsme dorazili v pořádku, ihned jsme věděli kam jít. Vyřizeno, odbaveno, už jen čekat na správnou hodinu. Poslední fotky, hovor od Wojnarów a je čas vyrazit.
Pasová kontrola, trvalo to krátko, ale budu si to pamatovat celý život, loučení s rodiči. Se slzami v očích jsem se jim ztracela z dohledu, ještě rentgen a magnetický rám, poslední zamavání a bylo to. Teď najít spravný gate. Naštěstí s orientaci nemám žádný problém, tak jsem to našla rychle, ale s vodopády slz to bylo opravdu těžké jit rovně! :D U gatu jsem měla hodně času, pomalu jsem se uklidnila a snažila jsem se moc nepřitahovat pozornost :P Pak mi ještě volal Wujek Bogdan (słóneczne pozdrowiynia spod Aconcaguy!! ;)) a kuzyn Kuba, kierego żech musiała tipnyć, boch nimiała jak podać letenke letuszce... :D Ludzie byli strasznie mili a wszascy mi chcieli pumóc, w samolocie zech siedziala miyndzy holenderskóm familióm, tak se o mnie pieknie postarali. Lot był w klidu, widoki piekne, jedzyni dobre a letuszka mnie uklidniowała, że scignym przesiednóć. Z holenderkóm żech dość pokecała, aspóń mnie zabawiła :D. Jak my przistali, tak mi zaś pumogliz kufrym a tak, ale był korek a nie szło wylyźć. Jak żech se dostała na lotnisko, tak żech se yny jaksi letuszki(albo co) spytała kaj móm iść, ona se podziwała na papiyr cosi rzekła a uż żech ficzała przez całe lotnisko.... Było tam kupe ludzi a z kufrym se fakt blbie przedbiego ;) Na godzinkach żech fórt sprawdzała czas podczas biegu, bo samolot mioł przistać 20:05 a do dalszego żech miała nasiednyć 20:20!!! Tak akurat żech doleciała ku gatu E22 a mógłach se wystoć ooooobrowskóm frónte :D.
Zaroz przi kóńcu uż stoła Lotte, koleżanka z Holandii, z Marrisóm, dziołcha co leciała do Argentyny z nami. Kónecznie gdosi, gdo na tym był stejnie! :DJak my se wystoły tóm obrowskóm frónte a kónecznie se dostaały za róg, tak my zisciły, że frónta mo wraceczke a eszcze roz tela nas czako. Zrobiły my se fotke, pipły letenke a koridorym my miały delszóm ceste :) kónecznie my naszły siedziska, 36B-jo, 36C-Lotte a 36E-ta dalszo :P. Kónecznie my se usadziły a prziszła Alice, czinianka kiero uż dwa dni cestuje a leci kajsi prycz na północ Chile, jak my se potym dowiedziały. Właściwie samolot mioł asi godzine spuźniyni, tak pasażerowie byli nervozni. Do dyspozycji była deka, zogłówek, prziniyśli sluchatka (nie wiym co byś eszcze chciała wiedzieć Mamo :)). Całom ceste my robiły gupoty, celkem to zleciało. Na jedzyni my se mogli wybrać miynso albo ni, jo miała paste! ;) potym se jadło aż rano.. Asi kole 5 niż se przistało w Buenos Aires. Tam mi też nie fungowała wifi, tak żech se nie poradziała ozwać :) Czakało se asi godzine a pół, ale miyndzy tym se szło przez pół lotniska ku dalszej pasowej kontroli a rengen z magnetiskim ramym tam był też. Asi go mieli zapnóty a tak żech zapipała :D Baba mnie hned oszacowała, celkem wtipne, spiż żech miała pocit, że każdy pipoł a ona mo jaksióm uchylke! :DD No nic z jaksimi karteczkami modrymi my szli ku gatu, a neczekanie zaś se czakało. To była pora na moje oboczi od kofoly!! :D Nikierzi se na nas śmioli a nikierzi czumieli, czy my sóm fakt paka albo to yny robiymy.. aspóń była sranda! Kónecznie zaś do samolotu. Stejne miejsca zaś dźwigać tyn ciynżki kufer a bla bla... ale dostali my dalsze jedzyni... juchuuu :D Uż se to pumału bliży.. nervozita stoupááá, ale z Pragi żech widziała fórt to samo (siedzisko przedymnóm). Prziszłach na to czymu jedna dziołcha pisała, że lot nad Andami był fakt nejlepsze co zażyła.. Miała prowde, były silne turbulencje a porywy wiatru, ale mi se to podobało, było to jak na bobowej draze w Mostach, ale o kupe silniejsze. Stav beztíže, szarpani samolotym a przepiekne widoki, też se mi to podobało! :D Chile je fakt piekne DOPORUCZUJYM!! ;) Przistowali my przez chmure, tak nic nie szło widać, ale pilot se trefił na runway tak caajk.
Zaś cesta przez całe lotnisko, teraz se stoła frónta na pasowóm a visowóm kontrole. Chłopek se mnie pytoł na jaksi wiecy o mnie a kaj idym a na jak dłógo a bla bla, weznył mi obie dolożki od visa z odciskym palca a doł mi razitko!! :) Doszły my ku kufróm, hned na poczóntku my spotkały skupine studentów z Ameryki. Chwile żech czakała na Lotte a miyndzy tym ku mnie prziszeł pies zacznył czmuchać a potym szkrobać mój kuufer. Typek se mnie hned pytoł czy w nim móm jaksi jedzyni, miałach tam yny czekulade, ale typek mi wzión papiór coch wypełniała w samolocie, doł na niego jaksióm izolepe, potym mi oblepił cały kufer a spokojenie odkroczoł prycz. Nejdziwniejsze na tym było to, że nie wyczmuchoł rzizki coch miała w brasznie przi sobie... :D Troche zdrcóno, żech szła hledać nasze kufry, na drugi strónie hali żech go spatrziła jak płynie..... mój kufer ;) Całe żech to przeleciała naszłach se miejsce z dostympym ku pasu cało żhawo, ale przijechoł asi za 2 minuty :D. Asi dalszych 10 minut  żech wachowała kufry od holenderki a czinianki. Z wrchu mi gdosi mawoł, doszło mi że to asi bydzie Rotarian- bingo! Przed nami był dalszy rengen a jo miała zapeczeciony kufer.. Naszczynsci mi go yny wybalili a przehledali. Zaś my se zeszli  z ameryckóm grupkóm. Kaitlin miała troche problem, piyrwsze my na nióm czakali, ale potym jóm kajsi odwlykli, tak my szli ku wyjściu...

To be continuous

P.S.: Sorry żech przepła jynzyk w czeskim se mi strasznie gupie pisze a nimóm czas nad tym rozmyślać! Fórt tu cosi robiym, dzisio żech se tego chytła asi o 22 a jech fórt zmanczono tak se asi poczkocie na dalszy przispiewek :P Inacz uż żech je w rodzinie, sóm super a radiotory w Chile nie znajóm. We szkole se chodzi w bóndach, całe to je ganc insze, ale fajne :) Poznałac moooc ludzi, ale moc se nie pamiyntóm miana :)