Piyrwsze plany byly, ze bydymy doma z babciom z wujkami, ale jakosi se to zwrtlo a w koncu my mieli kierunek Viña del Mar. Rano 24. nom po chalpie chodzila jaksio pani i sprzatala, potym tez nawarzila obiod a wieczerze. Jo se zbalila poobiadwalimy a pumalu my se wybrali na ceste. Dopolednia mi przichodzalo kupe zyczyn a pytan. Wubec se mi zdalo, ze caly swiat se naroz odzywo a bylo to moc ciynzki, bo se wypytywali na roznice a mi bylo luto a smutno, bo na naszom wilije nic nimo. Troche zech popisala z tatami a jak se to zaczynalo u nas doma, tak zech to kupe przezywala, ale podziyrzala mnie jedna rodzinka, co byla akurat w Anglii a tez to nimieli lehki. Z radiym zet na swieta, skypym a balyniym se zech jaksi przeszla na insze myszlenki a potym uz zech to tak nie przezywala. Oka, eszcze roz w aucie, jak se mnie Mama pytala czy żech je smutno, tak se mi to kapke wrocilo, ale wiynkszosc cesty zech spala, tak to ani nie wadzilo. Troche mnie segura molestowala, jak spiywala, ale musialach zustac w aucie, tak co uz.
Do Viña del Mar my przijechali kole 17. Wyniyslimy wiecy na wrch do apartamentu a z Mamom my szly do sklepu, bo zawiyrali o 18. Puzni mnie Mama wezla na objizdzke po Reñaca a Viña, kaj wszyndzi mogym isc. Stwierdziłymy o kierej zaczyno msza a uż my pyndziły do apartamentu na "once" - tako przekąska. Po jedzyniu my naskokali do auta a zajechali ku plaży, tam my se przeszli na 5. czynść, kaj miała przebiegnyć msza.
Uż tam było kupe ludzi a my z Isi szły po plaży, tak my były eszcze troche puźni. Ksiądz był pod takóm strzeszkóm a głosił tam cosi, ale aji to Boże Słowo tu było pojynte inaczy niż u nas. Było to ciekawe widzieć a posłóchać, jak to widzóm oni. Był też zapad słóneczka, tak żech szła focić (tzn. posunyłach se asi o 15m, bliży wody). Kónsek dali byli surfarzi a aji jedna foka tam ku nóm zabłądziła!! :) Uż yny to było dlo mnie dość egzotyczne. Na zakóńczyni mszy, tam ksiądz zaprosił 3 królów ku nimu a Ci potym rozdowali słodycze wszystkim małym dziecióm. Troche se asi stracili w przekładu. Szlimy zaś ku autu a potym hen do apartamentu. Zegrzoła se wieczerza, ale ni "typowo" właściwie okopirowano z USA - indyk, ale mielimy normalnie miynso ze zimiokym a sałatkóm. Potym była kawka z dezertym, taki dort - keksiki a manjar. Właściwie my ani choinke nimieli a ani my nie czakali do północy, jak tu je zwykym. Po prostu my se rozdali podarunki i gotowe. Każdy dostoł jedyn Isi - plawki, jo - plecak, tata - kosmetyki, mama - krem (z tego se śmioli asi eszcze 15 minut, bo Tata wybroł naprosto nejgorszy podarunek co móg). Puźni żech im aji jo dała podarunki a było po wszystkim. Zaczli se dziwać na TV a troche sprzątać. Puźni żech im chciała pokozać nasze zwyczaje, właściwie uż rychli, ale mnie nie niechali. Zaprezentowałach im tradycje łómania opłatka, ale oczywiście se to wezli na swój sposób, też to było ciekawe. Dycki se gratulowoł yny gdosi a ostatni posłóchali, trwało to troche deli, ale to było jedno. Troche mnie zasmuciło, jak Mama na kóniec rzekła, to była dobro gra Ania, to se muszymy zagrać we wiyncy ludziach, a wiysz że cosi takigo se robi we firmach?! .... ;( ;( ;( ANI KAPKE IM NIE DOSZEŁ SENS
Potym uż żech raczy szła spać.
Potym uż żech raczy szła spać.
Boże Narodzenie 25.12.
Rano żech se zaszła zabiegać a poćwiczyć na plaże. Jak żech robiła zaprawe do baletu, tak jak żech se obróciła, tak tam był taki starszy dziadek, kiery mnie asi cały czas oglóndoł. Uśmioł se a potym poszeł kajsi, po jaksi chwili se wrócił a prziniósł mi kwioteczko, że żech je jak marispossa (motyl). :)
Jak żech se po 2h wróciła, tak eszcze wszyscy byli w łóżkach a w piżamach. Rzekli mi że jeśli chcym do sprchy, tak muszym zónść do auta po koliki, potym to namóntować a potym mnie przedbiegli! To se dało czakać. Jak my se kónecznie wybrali, tak my zajechali do restauracji na obiod. Miałach smacznóm rybke z zimiokym :), ale było tego kupe. Po smacznym obiadku my jechali na plaże do Aborrago, cesta trwała cosi przez godzine. Była to tako wioska z ogrómnym resortym hotelów. W tym ośrodku był jedyn z nejwiynkszych bazenów na świecie a pry że ze słónóm wodóm. Zdo se mi to troche podezdrzele, ale to mi naopowiadali. My zaszli na plaże, kiero była użasno. Żodnych ludzi, bo wszyscy przi bazenie, woda jak z filmu modro, no bomba. Jedyny problem był tyn, że była fest zimno!! :D Było fajnie a po ceście zaś zpatki my se zastawili na zmrzke w jednym z nejlepszych zmrzlinowych sklepów a w McDonaldzie, bo Isi miała głód. Przijechalimy puźno a uż se nic nie robiło.
Na Szczepana 26.12.
Rano mnie uż po 7 budził skype!! Jaksim cudym mi chciało wołać pore ludzi, potym o 8 dzwónił zapómniany budzik, potym mi zaś dzwónił skype! Aż mnie Mama obudziła, że jeśli chcym wołać na skypu, tak bych miała stować. Spisz yny chciała, aby był gdosi w apartamencie gdo nie spi a postaro se o to, bo tatowie szli prycz. Jo zaczla śniodać, napisałach MOJIM Tatóm a uż mi wołali na skypu w całym hojnym poczcie (Dziadziowie, Starka, ciocia Irka, Babcia a ta naszo rodzinka). Było fajnie z nimi pomówić a głównie z Dziadziami a tymi starszymi, bo to nimóm moc okazje. Było to dość dłógo a potym żech grała na flecie, pisała se nuty a teksty różnych piosynek aż potym prziszli host rodzice zaś. A na rychło zaczli gotować obiod, tak żech im pumogła, bo miała przijechać ciocia Yanina a Dzunior. Pojedlimy smacznie miynsko, co nóm przigotowała ta pani rano 24. a potym my jechali prycz, bo Tobby mioł jaksi cosi hnusnego na twarzy. Tako bulwa, piszczoł a było to czyrwóne. Tak do weterynorza a potym po gitare ze jaksim tyypkym. Ciocia Yanina se też pisała z milionami różnych typków (np. Bruno z Italii). Cosi se mnie popytała a był klid. Tobby mioł na kóniec jaksióm infekcje a jak my ich zaś nabiyrali, tak mu z tego ciykła krew a ón se fórt wiercił, a tak my wszyscy byli zestrzikani. Nanuki nóm kupili, ale wubec se mi to nie chciało jeść przi tym psowi a krwi. No chciałach wypadnyć z tego auta nejrychli, co to szło! Wyskoczyłach yny żech pozbiyrała wiecy w apartmanie a jechałach z ciocióm do Quintera. Wieczór żech miała iść z Dzuniorym na disco, ale na kóniec nas tam ani nie posłali, ży by nas tam nie puścili. Tóż była akcja dóma, pozwoł asi 5 kolegów a 2 koleżanki, kuzyn, Mama a jeji "kolega" byli na wrchu. Było to dziwne, ale lepsze niż nic. Zaprosili nas aji na Sylwestra, ale raczy chcym iść do tia Julia. Szlimy spać kole 4, rano my pośniodali asi kole połednia. Zaszlimy se przynść po plaży, nazbiyrałach jaksiki muszelki a szlimy se nudzić na góre do wujka, kaj był potym obiod. Akurat tam była mama od wujka Edurda a aji jeji wnuk. Ona mówiła po nimiecku a aji miała chłopa niymca a bla, bla w Chile sóm wszyscy dość miyndzy narodowi a majóm krew każdego państwa, no głównie aby mieli o czym mówić... :D :D :D Zaś my se przesunyli na dół do dómu a tam my czakali na wujka Carla z kierym my mieli jechać zpatki do Renaca. Owszem puźno, ale dojechalimy. Kawka, pozbiyralimy se a jechali dudóm. W Los Andes my byli puźno po ćmi a w aucie jak segra śpiywała, to też było strasznie fajne!! :/ :(
