Podróże

W sobote 5.12.

 jak mnie Mama wyzwedla z rodziny Escalante, tak my jechaly do domu. Zbalilach se, umyla, zawolala tatom, bo zas to na mnie skuszali z Bariloche. Po obiedzie my mieli drzymke a asi 15:30 wyruszyly. Nowe autko bylo przecpane, ale niechaly mi czestne miejsce na przodku. W tyle byla Merisabel, wielko lodowkowo kisnia a Isi z psym. Zastawilymy se u Mami a w Jumbu na nakupy. Bez Nany byl hned klid, a tak my se jechaly w klidu asi 3h do Quintera. W aucie my z host mamom mowily o wszystkim moznym. Na miejscu my zajechaly na wrch do wujka Karla, ale yny na skok a jak przijechala Yanina, tak my jechaly na dol do jejigo domu. Nanosily my wiecy do schodow, bo caly tyn domek, to som wlasciwie yny schody. Byl tam pies a kocur, my prziwiozly dalszego psa, a tak se zacznyl kolotocz - sikanio, kakanio a sprzatanio. Chilanie mnie nie przestowajóm przekwapowac swojim stylym zycia. Potym wolala ciocia Rachel ze Sampym, bo se stracili. Caly wieczor my yny siedzieli w domu a nic nie robili. Ciocia Yanina nas chciala wzionsc a disco, ale wlasciwie tam szla bez nas, bo my nie chcieli. Byly tam akurat smerdzonce zwierzoki a wrzeszczonce dziecka, tak to za moc nie stolo. Z Nice (kuzynka SAMPA) zech grala obwieszenca a miasta, panstwa, no niestety se przidali aji dalszi a nie szlo se ich zbawic. Puzni se rzeszylo jak bydymy spac. Ciotki z dzieckami w lozkach a my ze Sampym w obywaku na ziymi. Potym przijechol wielki pan tworstwa Junior ze swojimi wysmienitymi napadami. Wujek Edi tez przijechol a dopadlo to tak ze odjechol a przijechol z materacym a zoglowkym. Tak my mieli kazdy swojom obrzom madraczke, zoglowki aji pierziny. Mamy se stahly na wrch pry pic mineralke.

 Rano w niedziele 6.12.

no wlasciwie, jak my se obudzili, tak uz nie bylo rano. Sniodalo se o 12 a Mama zymnom chciala do La Liguy, ale ciotki ji to rozmowily. Potym nom namowily, ze my ze Sampym tam momy jechac sami micrym do La Liguy a potym do Papuda a ze tamztela nas wyzwednom. Piyrwsze nom obiecaly aji ze nas na terminal zawiezom a wszystko, ale nie było to tak. Zaszli my na rynek, naszli miejsce kaj zastawujom micra a czakali. Po pol godzinie uz to bylo dziwne, bo busow tan bylo moc, ale zodyn nasz. Toz my se spytali a jasne ze tam zodne micra do La Liguy nie jezdzom. Ciocia Rachel nom naopowiadala ze autym to  je 5 MINUT!!! (To se zapamientejcie, bydzie nawionzani) Jaksi dobry czlowiek nom powiedziol ze do La Liguy muszymy jechac do Viña del Mar a tam nasiednyc na dobre micro. Toz my se rzekli ze jadymy, bo co tu z ciotkami, stejnie by my se nudzili. Sampo zawolol mamie ze micra tu nie jezdzom, ze muszymy do Viña a tamztela do LaLiguy, a tak ze teraz tam jadymy. Nasiedlimy a asi 30 minut my jechali. We Viña my wysiedli przi obchodziaku, Sampo se chciol wybrac, ale nie szlo tela wiela chciol a tak my nie wiedzieli co, tak my szli na micro do La Liguy. Rynek my naszli, ale po chwilce, jak my se spytali, tak my stoli na gupim miejscu. Uz tam stol bus na La Ligue, sice kosztowol 3500CLP ale co uz. To bylo cosi po 15 a asi jedna z nejgupszych decyzji. Jechalimy ganc stejnom cestom zpatki a po brzegu eszcze wiyncy na polnoc, po 2,5h w busie my se rozhodli ze momy glod a dali nie chcymy jechac. Uz my grali rozne gry a byla to fakt nuda. Wysiedlimy w Papudo kole 17-18 a hned my spotkali Leonie :) szla do domu a mieszko w restauracji, tak my pojedli u ni. Miyszko skoro na plazy tak Sampo miol szpagety z krewetkami a jo rybke na oliwach. Przedkrm byly jaksi muszle z jaksimi pieronstwami skusilach to, nie bylo to nejgorsze, ale zas tak dobre abych se dala dalszom tez ni! :D Zaplacilimy a szlimy z Leonie eszcze, jak my czakali na niom, tak my se zagrali pingpong, to bylo fajne a asi naszo nejwiynkszo aktiwita tyn dziyn. Potym na zmrzke strasznie znomom a na plaz, tam my se siedli a dziwali. Pojedli zmrzke, pokecali.. Bylo fajnie az do czasu, jak my wolali mamom aby nas wyzwedly.  Ty nom powiedzialy, že momy jechac micrym zpatki. Uz se cmilo, tak my szli chytac micro. Po delszej dobie cosi jechalo, spytalach se czy jedzie do Quintera, mowil ze ni, ale ze momy nasiodac, ze nas weznie na miejsce kaj som micra do Quintera, bo uz mozne nic wiyncy z tamtela nie pojedzie. Toz my nasiedli do pelnego busu a czakali kiedy bydzie czas wysiednoc. Asi 3 razy zech se przesiedla, bo piyrwsze bylo yny jedno miejsce, potym ku Sampowi a potym do przodku dlo lepszej orientacji. Uz po cmi my wysiedli w Las Ventanas a czakali na glownej w jaksim industrialnim miejscu a marzli. Po 15 minutach przijechalo micro a my uz mogli yny czatowac, kiedy bydzie rynek. Do domu my prziszli cali zmordowani, zmarzli a glodni po calym dniu w busie. Na wieczerze my se wziyni swiateczny chlyb (buchta) a cerealie z mlykym. Potym my zas w obywaku robili nic a szlimy spac.

W poniedziałek 7.12.

 my jechali razym autami. Pośniodało se o 12 zaś a jechalimy do Papuda na plaże, tam se wykocónili na piosek a jo z Mamóm my jechały do La Ligua. To miasto je znóme z swetrów, wełny, poncz a słodkości. Zajechałymy na torg z tymi swetrami, bo mi to chciała pokozać a też chciała nakupić podarunki dlo rodzin od Lala (kiery je w Kanadzie). Byłymy tam puźno, tak niż my to ścigły całe obynść o porównać, tak zaczli zawiyrać! Kupiłach se jedno ponczo, za babke, tak na wieczory abych miała narzutke. Moc se mi tam podobało, Mama pokupiła czopki, szaliki a duperele, ale fajniacki. Nikiedy żech jo musiała wybiyrać kolory a wzory, bo jo se w tym pry wyznóm, że im se bydzie podobać to samo co mi! :D :D SpyndziÅ ‚y my fajne popołedni, ale uż nas uganiali telefónym kaj my sóm tak dłógo, tak my ficzały. Po ceście eszcze było drama, bo my miały kupić tradycyjne słodkości z La Ligua a pieczywo... Naszczynści po ceście my natrefiły na Fabrica de dulce de La Ligua! ;) Było to fakt wyśmienite, to trza uznać. Tak my im na plaże prziwiózły smakołyki, pobaliło se to a jechalimy zpatki do Quintero. Troche mnie to ździwiło, bo puwodnie był plan, że sobota La Ligua spiymy w Quintero, w niedziele do Quintero a poniedziałek a wtorek my mieli spyndzić w Vina del Mar. :) Troche zmateno ale bez sprzeciwów zaś w Quintero. Wieczór my szli na wieczerze na wrch do chałpy od wujka Carla :) Samozdrzejmie że uż o 23 my ze Sampym szli sami na wrch rozpalować ogiyń. Asi pół godziny my zapalowali grill (wyrobióny z beczki) z wynglym a pumogało nóm kupa horzlawych substancji aż żech se myślała, że to jedzyni bydzie wiyncy chemiczne niż cosi na najedzyni. Potym uż prziszły aji insze ciotki a pumału my se mógli puścić do grilowanio. Prziszła aji jedna koleżanka od wujka, nazywała se tia Pati z Palestyny. Smacznie my pojedli kurczoki, parówki, zimioki a czoripan. Potym my se ze Sampym zdejchli na dół.

 We wtorek 8.12.

 my mieli nowe plany. Na obiod se szło zaś na wrch do wujka. Były pyszności, ale dłógi czakani było nudne. Jaksi pracownicy co tam byli, asi byli aji rodzina nie byłach se jisto. Mielimy kurczoka, sałatki, zupke a zmrzke. Potym my mieli kierunek plaża, dlo mnie popiyrwsze! Jechałach z ciocióm Rachel a Sampym, ale dojechalimy aż do Mantagua a tam nóm zawołali, że se muszymy wrócić. Banaan! Troche my pojeździli no, ale było fajnie. Plaż była moc piekno, ganc se mi tam podobało. Jak żech se nudziła, tak żech se aji troche daleko przeszła z fociakym a óno se to nie zdało tak dłógo, ale jak żech se wróciła, tak uż mnie celkem niecierpliwie oczekiwali! :D Potym my uż jechali do dómu. Cesta aut ym zaś była troche delszo, ale z Mamóm żech pomówiła. A wieczór my dość dłógo czakali na ciocie Rachel, kiero se miała wyzwednyć swojóm "neteř". Celkem mortwo żech padła do łóżka.