Patagonia

Piatek 13/11 LOS ANDES - SANTIAGO
Jechala żech z Alexym a Lennym do Santiaga na lotnisko, kaj my mieli zbiorke o 22:00. Byli my tam o godzine rychli. Jak se pozbiyrali ludzie, tak se szlo do super hotelu na wieczerze. Z Alainóm a Henrikym żech se moc nie pokecala, boch raczy poslochala, jak se bawili o gramatyce. Przedkrm byl nejlepszy salot, coch tu miala, potym kurczok z zimiokami a zmrzka. Na lotnisku my uz pumalu przechodzali przez kontroly, bo nom to lecialo o 2:00. Owszem se grupa siekla przi Starbagsie zaś, zaczli my grać UNO, ale stejnie uż my se pumalu pomykali ku gatu 25, bo se otwiyrol 1:30. W samolocie żech byla przi wyjsciu ewakuacyjnym (12L), ale aspóń przi okiynku a mieli my wiyncy miejsca na nogi (Alex, Clara). Bylo kupa turbulencji, dziecko rzwalo a moc se nie dalo spac.

Sobota 14/11 PUNTA ARENAS - EL CALAFATE
W Punta Arenas my zaś zyskali nasze bagaże, a tym że samolot byl rychlejszy, tak my czakali w hali. Pollo nóm przikozol se dobrze oblyc na caly dziyn, potym my wybiyrali jedzyni a szlo se do busu. Bagaże na dól, my na wrch.
Punta Arenas je miato ganc na poludniu, je asi yny 500km od bieguna poludniowego. Przez to lotnisko se dostaniecie na Antarktyde. Je na polwyspie, szyroko daleko nic nima. Piyrwszo zastawka byla w hotelu na sniodani, potym my dlogo jechali na granice Chile a Argentyny. Troche papiyrowanio, cesta skonczyla a jechali my po szutruli, dostalimy se na argentyńskom celnice, zaś to samo. Spotkalach Poloków!!! Piyrwsze zech ich yny poslochala, ale potym aji zagadnyla. Byli z roznych miejsc Polski, jo mowila z Warszawianinym, ale pry tam byl aji Slazok. W tej Argentynie dalszym pore kilometrow my fakt jechali po glinie miyndzy dziurami. Konecznie my se dostali na ceste, wszyscy szileli z Patagonii a cykali fotki na swoje super mobily. Jo tego moc nie nafocila, bo z busu a przez zmazane szklo to stejnie za moc nie stoji. Dalszo zastawka byla na obiod, to co my se rano wybrali, tzn. pizza a dezert. Potym my szli po miescie ku bankomatu a gdo chciol se wybrol piniondze. Jak my tam czakali, tak kolem przeleciala obrzo doga, za chwile przijechalo obrzi auto a pytali se na psa, tak zech im pokozala smier. Caly dziyn my byli w busie a jechali przez jednom pieknom, wielkom pustke. Asi roz my zastawili na fotki, a to akurat na takim miejscu kaj bylo super moc blota a wszyscy mieli tak 5cm warstwe na botach. Połówke czasu my pucowali bóty! :D Zastawilimy w miejscu, kaj miała być pingwineria, ale było zawrzite. Puźni żech se dowiedziała, że asi 20km przijezdowki je prywatno a że latoś nima moc pingwinów. Potym my se stawili do Parku Narodowego, ale tyn też był zawrzity. Potym uż my po dłógi ceście, po ćmi dojechali do El Calafate do naszego hotelu. Roździelilimy se pokoje a szło se na wieczerze (23:00). Czinsko restauracja była dość słabo, ale o to lepszy był hotel. Na pokoju my były yny dwie a miały my tam snad wszystko, aż było szkody, że my w hotelu yny spali..

Niedziela 15/11 EL CALAFATE - Par. Nac. El Chaltén

Pobudka telefónym, śniodani a odjazd o 9. Po 2 godzinach w busie my dojechali do Parku Narodowego El Chaltén. Jaksi fotki bramie, bo było pieknie a jechalimy do ośrodka. Tam było muzeum, jaksi informacje, zrobili nóm prelekcje, powiedzieli reguły a szło se na 1h ture.. Po 20 minutach my byli na wyhlidce, kiero mnie zaskoczyła - to był cel. Po ceście busym my widzielilodowiec a jo se cały czas myślała, że idymy ku nimu. Na wrchu my byli delszóm dobe niż my szli, robiło se kupa fotek, ameryczanki miały zaś ty swoji sagi fotki a szło se zpatki (stejnóm cestóm). Zaszlimy na obiod, kaj my spotkali Holenderów a potym my se mógli zdecydować, jeśli chcymy na 3h ture do kopców albo 1h przechadzke ku wodopadu. Jasne że nas 3 przegłosowali a szło se ku wodospadu. Tam my też byli za 20 minut a właściwie my skokali po kamiyniach, aby my mieli co nejlepsze fotki, Było to piekne. Po godzinie my se wrócili a dalszo zastawka była w centru na zakupy pamiątek. We sklepie w parku narodowym, żech naszła czeskóm fane, co mnie dość zaskoczyło! :D Było to super, bo jak uż nimóm z kim pomówić, tak aspóń widać, żech tu nima jedyno. Wieczór my se zmordowani wrócili na hotel. Chwila wolno, potym na wieczerze do taki miynsnej restauracji. Było to przepełnióne, ale zrobili nóm miejsce. Jedzyni nóm podowali w takich specjanych brutwanach na nogach, także podtym miynsym były wyngliki a żar. Skosztowałch, ale na krwawe żech moc nima, tak mnie to nie nadchło. Sałatek, chlebików a inszego było kupa, tak mi to nie wadziło, plus my mieli dezert = zmrzke. Wieczór my mieli wolno, a tak my w nocy szli na pole do ulic. Rozbilo se to do wiyncy grupek. Ku kóńcu my szli ku jezioru a na plac zabaw! 

Poniedzialek 16/11 El Calafate – PERITO MORENO

Rano pobudka zaś telefónami, śniodani typu szwedzki stoły a mielimy wyjechać o 8, ale niestety nikierzi zaspali, tak se zmiynił czas na 9 (potym na 8:30, ale to mi nigdo nie rzyk). Zaś my dłógo pogatrzili busym, wiynkszość spała, bo to przeca yny było naroczne.  Przijechali my do Parku Narodowego Perito Moreno, tzn.Perito Moreno je lodowiec. Mieli my jechać łodzióm, ale było kupa ludzi, tak my piyrwsze  szli na przechadzke. Bus nas zawiózł troche dali a po takich schodach a cesticzkach my chodzili z widokym na tyn gigantyczny lodowiec. Pochodzili my, pocykali fotki, kuuupa fotek.. Owszem moc ludzi nie umi focic mojim fociakym, tak połówka fotek na kierych żech je jo je rozmazano albo niezaostrzono na mnie. Była zima jak fiks, wyhled fajny, ale na fotki zawadzalo kupa strómów. Lodowiec fórt pracowoł – szło słyszeć praskani, huczyni, odłamki spadowały do wody, kruszył se. Na tóm chwile, co my tam byli mi prziszło, że tego było strasznie moc a strasznie wartko se ztraco. „Na szczynści“ to je pry yny pore cm rocznie. Na jednej wyhlidce my spotkali ROTARY Z INDII!! Tacy hindusi tam prziszli pomówili my po angielsku, zrobili fotki, zaś mi to nie cwakli dobrze, tak nimóm grupowóm.. L Pollo z nami nie był, tak asi ani nie wiy. Pochodzilimy z różnych strón, było fakt super. Tako okazja se nie naskytnie kazdymu, troche szkoda ze se tóm naszóm planete tak niszczymy. Dalsze wspólne fotki a uż my walili do busu, bo o 13:00 nóm odpływała łódź. Była straszno zima na polu, fuczało, mgła, chmury a eszcze blisko lodowca na wodzie, brr. Mielimy to komentowane, ale na polu to moc nie szło słyszeć. Milion ludzi, wszyscy chcieli fotke, ale byl tam taki jedyn ciekawy typek – caly zababulany, miol jaksi special fociak z mikrofonym, taki profi wypadoł, ale nie wiym czy chłop albo baba. Każdopadnie móm kupa fotek a potym se wyjaśniło, jak uż wiynkszość umarzła a zalazła, tak móm aji piekne fotki – snad. Moc se mi to podobało a je aji treking na lodowcu, to my niestety nie dali. Wszyscy wymarzli, zmynczoni a pełni wrażyń my nasiedli do busu a jechali na obiod. Właściwie zpatki na hotel, ale zastawilimy se w Glaciarium, jak my mieli obiod stylym – wybier se kiery sandwich chcesz. Było to smaczne akurat troche duże, był aji dezert :D, puźni my szli do Lodowego baru, jak było -10°C. Mielimy specjalne oblyczka, aby my nie umarzli. Taki srebrne ze specialnego materiału – poncho a rynkawice. Wypadalimy jak eskimosi, ale było to suprowe. Tako party z muzykóm, światłami, barym, szklónkami z lodu, śmiysznymi oblyczkami a super dzieckami, było troche mało miejsca, ale to wubec nie wadziło. Potym my uż fakt jechali na hotel. Mieli my wolno na spocznyci albo podarunki, co my chcieli. Z dzieckami my szli do miasta na pamiątki. Było to super drogi, podobało se mi kuupa wiecy aji napaditych, ale właściwie to je turystyczne centrum, tak z czegosi tu muszóm wyżyć. Szkoda że mnie w tym centum nie chali samóm a jo nie wiedziała ceste zpatki, szłach na instynkt a na szczynści żech trefiła. Sice żech wyszła ze sklepu, hledała dość dłógo inszych, ale potym uż żech miała yny 8 minut na to se wrócić, tak żech leciała do „neznáma“, byłach na czas 18:00!! Na wieczerze my szli zaś do tego samego miejsca z miynsym. Lokal był fajny, ale miynso żech se fakt nie dała – nie szmakowało mi. Z dnia przed tym żech se pouczyła, inszo kultura je fajno, ale krwawe miynso ni! Sałatki tam mieli dobre, tak se to wykompenzowało. Dezert sklamoł dość tak. Tyn wieczór żech nie szła na pole, stahłach fotki a przigotowała se na dalszy dziyń, bo rano my stowali 5:15. Spać żech stejnie szła puźno.

 Wtorek 17/11 EL CALAFATE – P. NAC TORRES DEL PAINE

Rano zaś dzwónił telefón na pobudke, otrawne ale fungowalo. Smaczne śniodańko a walilimy zaś na granice. Zastawilimy na jednej dość ciekawej bynzince, kiero była fakt w środku niczego, ale była tam milka :D :D stejnie żech nimiała argentyński pesa. Na granice zaś po szutruli polnioczkóm. Widziałach tam lame, ale przez okno były hnusne fotki. Na granicy my zaś zrobili frónte a wszystki dokumenty, a bla bla.. Cosi żech pokecała z celnikami. Na chilski celnicy zaś to same. Byli tam Europejczycy, gdosi mi rzyk, że widzioł stejny pas jak jo. Tak żech se spatała, ale tym razym to byli szwajcarzi, tak nie wyszło, ale cieszyłach se na Czechów. Kupa studentów se mnie pytało wiela jynzyków znóm, tak z tego byli celkem uneszeni, akurat tu nigdo nie zno wiynkszość a domówiym se akurat po angielsku a hiszpańsku. Dalszo zastawka była w miejscu, kaj było w rezerwacie kupa lam. Taki piyrwsze spotkani z lamami na żywo, ni żech ich widziała z busu. W busie my byli strasznie dłógo a też uż my byli głodni. W parku nacionalnym my poobiadwali w jednym z nejpiekniejszych miejsc, kaj żech kiedy była! Było to nad jeziorym Pehoé w restauracji Lago Pehoé Camping. Był tam akurat jedyn moc ochoczóny kondor, kiery odlecioł a zaś wrócił, coż moc nigdo nie zrozumioł. Po tym my szli na góre na wyhlidke „Mirador Condor“. Busym my popojechali dali a zrobili my se piesze okrążenie nad jezioro Nordenskjod, rzeke Paine a wodospad. Uż my se cieszyli na hotel, ale eszcze my mieli jednóm zastawke przi takim hotelu, jak był piekny wodospad. Potym my uż zmordowani przijechali do nejlepszego hotelu za cały czas. Były to chatki, eko-hotel a jednoznacznie nejsmaczniejsze jedzyni. Była to farma tak kapke, tak hned co my se nasaczkowali na pokój, tak nóm za oknami góniło stado krów a byków. Jedzyni se sami uprawiali, tak był szpinak ze zogrody, miynsko, królik, same dobře wiecy, łosoś… Nejsympatyczniejsze miejsce a w strasznie pieknym miejscu, taki cuda z okna se yny tak nie widzi. Też to było w środku Parku Narodowego w Patagonii!! :D Była wieczerza, potym my mieli pogadanke a dowiedziałach se, że do Pingwinerii nie pudym, bo je zawrzito. Asi po 10 minutach se mnie pollo spytoł, czymu żech je tak smutno, tak żech mu powiedziała po prowdzie, żech se cieszyła na pingwiny strasznie moc a czy nima w Patagonii aji jaksio inszo pingwineria. Wyjaśnił mi, że ta jak my mieli iść mo prywatnóm 20km przijezdowke a ku tymu tam nima moc pingwinów. Dalszo pingwineria je na wyspie, a to by my musieli weznyć trajekt a nimómy na to 8h czasu. Troche pomówił z kierowniczkóm hotelu a ta mu dała typ!! Cały czas mówił, że to robi dlo mnie, a że mu przirobióm práce. Była to prowda, ale w kóńcu ón to chcioł zrobić, jo mówiła, że to nima kónieczne, bo to było drogi jak cholera. A tak z nadziejóm, że uwidzym pingwiny, cało nacieszóno żech szła spać.

Środa 18/11 P. NAC. TORRES DEL PAINE – CUEVA MILODON – PUERTO NATALES

Rano my zaś stowali nomalnie, pozbiyrali wiecy (moje 2 współlokatorki, nie ścigały a to żech kwóli nim stowała rychli abych ich obudziła). Pośniodalimy to dómowe jedzyni smaczne a przed nami była wizyta plaże (mógli my se wybrać plaże albo odpoczynek) a potym 4h tura w gorach. Na plaże my szli po takim wisacim moście, na kierym mógło być yny 6 osób a celkem ciekawie se huśtoł.. Pollo mnie wziół pod rynke a troche my pobulczeli :) Plaż była ciekawo – czorne kamiynie a we wodzie obrzo kra lodu! Zaczło śnieżyć, padać, wszyscy byli cali mokrzi (aji fociak), potym se z niczego nic wyjaśniło a było ganc pieknie, słoneczko, gacie mi uschły.. :D Jak my se wracali, tak żech zebrała Lune a waliłymy na most zrobić se pore fotek, bo tam było kupa turystów a tyn most był fakt piekny. ;) Potym my busym jechali wyzwednyć przewodnika a obiod. Zastawilimy na kraju cesty, wysiedli, naładowali paczki z obiadym do plecaków a z przewodnikym szurowali do kopców. Plan był na 4godziny, gdo nie bydzie mógł se może do godziny wrócić. Na pozątku był stoupak jak pierón a było to fuszka, ale to była yny ta piyrwszo czynść, bo my se musieli dostać do wyszki, potym to była przechadzka po rowince. Byli my w miejscach, kaj żyje we wolnej przyrodzie puma. Myślym, że my byli kapke wielko a głośno grupa na to, aby my mógli pume widzieć. Widzielimy za to lamy, krowy, kondora a jaksi ptoki. Z przewodnikym żech pomówiła o Czechosłowokach a współpracy z nimi, kwóli pożaróm. Spotkalimy turystów z inszych państw głównie nimiec a zwiedzilimy kupa jezior. Przi kóńcu były aji zielóne papugi na strómie.. Na miejscu my byli na czas (4h), ale czakali my na łące krowińców, bo bus nie dojechoł. Wszyscy zmordowani z potrzebóm iść na wychodek, ale szczynśliwi, bo to stoło za to. Przewodnik sym tam robił dziwne czachry, bo weznył kónsek drzewa a położył go kónsek dali albo jaksi kamiyń, ale to asi je jejich tajne dorozumiywani! Jak przijechoł bus a jechalimy zpatki, tak żech z okna widziała strusia z małymi (po prowdzie żech nie wiedziała, że tu żyjóm). Bus nóm eszcze zastawił na krótkóm przechadzke a zwiedzyni ciekawego miejsca. Byli my w jaskini, kaj żył downo downo tymu jaksi misiokóń. Wieczerzalimy zaś we stejnej pizzerce, jak piyrwszy dziyń obiod. Było to super smaczne a potym był aji tort, bo Henrik mioł urodziny. Rotarianie to załatwili a było kupa srandy, bo tu je tradycja, że musi piyrwszy skosztować a zaburził tam całóm głowe. Dostoł aji podarunek z patagonii. Pieszo my se przesunyli do hotelu, kaj my uż mieli walizki. Loslosowały se pokoje a jo se szła myć. Jak żech wylazła w piżamu, tak my mieli na pokoju asi dalszych 6 ludzi a kupa inszych nóm tam naglóndała ze siyni! Jo se stahła fotki a z Claróm my zustały na pokoju. Wiynkszość szła na pole w nocy, ale jo była w piżamku, tak żech to kichala.

Czwortek 19/11 PUERTA NATALES - PUNTA ARENAS
Rano w klidu śniodani a potym do busu a wio! Po delszej ceście my zastawili a jo wiedziała, że prziszeł czas na pingwiny!! Jak przijechała łódka, tak my se nałodzili, oblykli westy a 45min my płynyli prycz. Z łódkóm to dość dobrze trzaskało, fale były wielki a nikiedy żech se myślała, że se rozbijymy. Ale ni, było to fajne a przez okno żech widziała pingwina a Mads dokóńca foke. Na wyspie były dane reguły. Chodziło se po ścieżce, 1m je super na zrobiyni fotki, nie dźwigać pingwiny a jak idzie, tak mu ustąpić. Bylo tan kupe mew a pingwiny mialy swoje nory ganc wszyndzi! Po cescie byla aji nora z wajuszkami, klify, plaza z fokami a na koncu budowa z majakym, w kierej byly popiski. Godzina na wyspie ubiegla super rychlo a my byli zas na lodzi. Dostalimy suszenke a cieplom czekulade. Zas to dobrze hustalo, jak prziplynyli ku busu, tal my jechali obiod. Mieli my smacznom piyrwszom rybke a zas to dziwne dziurawe ciastko. Potym na hotel do pokoju, spocznyc a o 18 my jechali na rynek pocalowac palec rzezby, podziwac se na kiermasz, do sklepu a do bezcelni zony nakupic, ale uz wiynkszosc byla zawrzito. Wieczor my mieli meeting a resume calej wycieczki. Bylo suprowo skoro my beczeli, dostalimy piny. Potym wieczerza a wolny program, tak se szło na pole o północy na disco. W klubie była zabawa, wygrałach krawatke a Henrik był dokóńca pozwany na scene na wspolzawodnictwa. Wszyscy my se dobrze bawili, jo raczy zustała wiynkszóm czynść wieczora na wrchu przi wiecach, bo pod scenóm se mi nie podobało tańcować.. Nad ranym my se wrócili do hotelu za hucznego doprowodu aut, co też jechały z dyskoteki.

Pióntek 20/11 PUNTA ARENAS - SANTIAGO - VINA DEL MAR
Rano se troche gorzi stowało, pobalić wiecy, na śniodani to my se celkem użyli. Wszyscy jak zombii a eszcze my mieli czas a dłógo my czakali. Yny my se przesunyli na lotnisko a zaś cały dziyń podróżowali. Na lotnisku se wiecznie czakało też nas było skoro 40 na odbawiyni a wszystko! W samolocie se zymnóm Alaina chciała wymiynić miejsce, tak żech zaś była przi okiynku :)) jupii... Lot se ciągnył, wiynkszość spała a mielimy kupa turbulencji. Czynsto my byli nisko nad gorami albo żech wedle siebie widziała wierzchołek, tak mnie nikiedy ty turbulencje zniejiściły. Dolecielimy dobrze, na lotnisku zebrali bagaże, nasaczkowalimy se do dalszego busu a pół śpiąc - pół dbiąc my jechali do Vina del Mar...

INFORMACJE
Plan

WIDEA
Na zamyślyni
Patagonia - Ellie