Zlecialo to

Takze jak bych wom to tak napisala.. Ostatnio se nie zastawiym a nimom czas. Poprowdzie eszcze zech ani nie zaczla z prezentacjom, ale to mnie teraz ani kapke nie ciekawi. Ostatnio zech skonczyla na sobocie..
W niedziele my jechali na rodzinnom wycieczke podziwac se na sniyg!! Wooow. Oczywiscie my se obudzili kolem 9:30, potym sniodani, sprzatani, nakupy, zaczlimy warzic a uz o 16 WCZAAS my se konecznie wybrali. Joch w to teda moc nie wierzila, ze fakt pojadymy, ale lepsze puzno niz wubec. Dojechalimy do Rio Blanco, wyży to bylo zawrzite, bo po sniegowej burzy ceste zasypaly 3 metry w Portillu! Troche my pogupli na saczkach, dlo nich balwan je cosi fest specialnego.. Oczywiscie kupe fotek. Po 20 minutach wymarzli a pozbiyralimy se do auta popic troche cieplego kakao. No dlo mnie ta wycieczka byla wiyncy niz zabawno, ale o tym teraz nic. 

W poniedzialek zech szla do szkoly, w tym tydniu uz zodyn inszy dziyn! We wtorek zech troche pospoczywala a we środe my zaszly na kopieczek Cerro del Virgen. To był dziyń numer 300 co żech je prycz z chałpy, popołedniu my zajechały do lazni "Termas Corazon". 

 We czwortek zech jechala z Jenny do Santiaga. Jechalymy wczas tak my tam byly w polednie. Sice my mialy zajechac do centra Santa Lucia, boch chciala cosi pokupic, ale byla demostracja studentów a tak bylo wszystko zawrzite. Niestety tam bylo aji dosc wandalow, a tak bulali semafory a rozbijali, co se dalo. To byla sice miynszo grupa wandalow, ale zniszczyli caly protest, bo se nie mowilo o tym co chcieli, ale co zniszczyli.. Szkoda. Potym se odymnie nie niechala poradzic, a tak my asi 4 godziny blandzily po Santiagu, grr.

Zakludzilach jom do obchoďaku, tak to byla asi nejlepszo czynsc. Potym my szly na spotkani z jejom kolezankom z uniwersytetu. Niestety je dziolcha ciynzko choro a teraz jezdzi po testach, aby se stwierdzilo co z tym, a jak z tym walczyc. Wrocilymy se busym do Los Andes, tam żech spotkala Carlosa. W piontek żech piykla na sobote. Upiyklach kolocz z borowkami a z malinami, babowke Ambasador a eszcze taki na dziubani. Wyszlo mi to fajnie.

 Troche ze spuzniyniym żech przijechala do centra, kaj mnie czakol Felippe. Zaszli my do EU zagrać se basket :D byla sranda a eszcze my wygrali joja. Wieczor żech tam eszcze zaszla z Beatriz a Javi na kawe. Prziszel aji Cristian a zawiozl mnie do domu.

W sobote byl WIELKI DZIYN! Rano my jechaly zas na sniyg coch miala obiecane aji z Barbarom, Cote, Cony a Jenny. Byla sranda, ale roztargly se mi gacie :/ stejnie zech se to fest uzyla ;) Posaczkowalach, zrobilach aniolki i zadowolono żech se szla przewlyc do auta. W domu nas czakaly przigotowania na "WIECZOREK POŻEGNALNY". 

Zaproszyni bylo na 18 godzine, typicznie po chilsku prziszli puźno. Bylo to spokojne, ale stejnie pelno chalpa. Spis ludzi: Jenny, Jimmy, Pati, George, Joselin, Brian, Catalina, Cote, Barbara, Beatriz, Pancho, B, Stefi, Margie, Amanda, Caitlyn, Daniel, Mathilde, Alex, Peik, Vicente, Renzo, Guseppe puźno przijechala Cony. Wszystkim moc szmakowalo, po babowce se skurzilo a karaoke zabawilo tez. Bylo fajnie, wiynkszosc potym szla do Lennygo na akcje a jo se kontynuowala z kolegami. Bylimy u Roberta w domu, byl aji Pancho, mama a syncy. Bylo super asi kole 4 mnie zawiyzli do domu.
W niedziele mnie obudzil telefon. Na rynku mnie uz czakol Carlos, tak zech wystrzelila z lozka, troche my pochodzili po Los Andes, ale musialach wczas wracac, bo bylo trza pumoc z obiadym. W odwiedziny przijechali znomi, Joselin, George, Brian a Catalina.. 

Bylo superowo. Niestety tyn dziyn zech uz nie zdazyla zonsc za Renzym, a tak odjechol na miesionc w gory. Tak jakosi zech se miala w ostatnich dniach, moja wlajka se uz pelni zprawami a podpisami. Cieszym se moc na Was jak przijadym do domu, ale musicie mi wierzic, ze to je strasznie ciynzki tu z tela ynym tak odynsc. Uz to nigdy nie bydzie stejne.. No tak mom taki przeciwne uczucia, ale to bydym musiec zwladnyc! Tak mnie potym nie deptejcie pytaniami, czy mi je smutno po Chile!! Ja bydzie kropka, dziynkujym.
W poniedzialek zech zas konecznie zaszla do szkoly. No po poledniu do centra cosi zarzadzic a na wieczerze do domu Beatriz, razym my zaszly do kosciola, bo tam spiywala a hrr do domu. Stoplach se colectivo do centra, ale na koniec typek mnie zawiozl zadarmo az do domu, to je ale szczynsci.
Noo a dzisio mom ostatni normalny dziyn we szkole, je to celkem smutne.. Mom to tu rada, a glownie nic nie robiym :D. Tak uż minyl ostatni wikend w Los Andes a je na koleji ostatni tydziyn..

Jaa tez se uz wrocila Sofia, kiero byla na rok w Czeski Republice, a tez mowi fajnie.

Jutro we srode jadym do Santiaga a we czwortek rano mom 10:45 let do Antofagasty aż do niedzieli, to se zaś wracómy samolotym do Santiaga.

No wiyncy wóm powiym snad aż potym, i choć nie wiym czy ścignym napisać czlanek o Antofagaście.. Też bydóm fotki, ale nic nie obiecujym. Tak uż se cieszcie!

Waszo Ania,
możecie mi napisać na dzwignyci nalady.

ceibuldak@gmail.com