Maj je fucz

Szkoła

Jak żech prziszła we wtorek zaś do szkoły (po wycieczce na wyspe), tak kupe kolegów mnie witało: "Czaau Ania, kónecznie po taki dłógi dobie.." wyjaśniłach im, że to był yny tydziyń a óni: "Nii, to był aspóń miesiónc, fakt to było strasznie dłógo!". Tak mi zrobili radość a było fajnie. Potym też se moji nejlepsi koledzy z klasy zmiynili klasy (my som ibologos a Felipe odeszeł do Matematicos a Juanito zaś do humanistów), tak uż nimóm z kim siedzieć w lawce.. W piątek żech pisała piyrwszy sprawdzian a był z chemii. Wczora nom go rozdali, tak to nie dopadło tak źle, jech lepszo niż nikierzi z klasy :D :D Moja ocena je 5,5 coż je luxus a to aji bez uczynio. Nejlepszo ocena je 7 a nejgorszo 1 a posuwo se to dycki o 0,1.. coż robi dość wielkóm skale. Tak żech je szczynśliwo z mojigo wyniku a móm nadziej, że moji nauczycielki z gimpla też, bo to móm dziynki nim! Inacz we szkole to je nuda, bo uż aji rozumiym, ale fórt se uczóm na PSU a wiecznie jaksi testy a zadania.. Tak my se dzisio z Margie w klidu zagrały karty, nauczyłach se nowe gry. B właściwie uż wubec do szkoły nie chodzi, ta je dycki cały tydziyń w Santiagu a do Los Andes przijedzie roz po nowe oblyczka. Peik je we szkole yny dopołednia a Alexa nigdy nie widzym. Lenny je spoko też nic nie robi, dzisio go akurat nauczyciel wyciepoł z klasy.. :D A tak no, teraz dycki obiadwóm we szkole, tak se zgrzywóm jedzyni w mikrowlnce, nikiedy widzym aji Isi z Nanóm. Nejgorsze je jak mómy szkołe do 18:30 to mnie fakt nie bawi siedzieć tam tak dłógo. Każde rano chodzym pieszo a popołedniu też ;) Aspóń troche ruchu, bo też  zaś tak moc nimogym na pole, głównie nima kaj a po mieście chodzić mnie aż tak nie bawi. Jaa, też nikierych uczym fizyke, tak móm aspóń fajne uczucie jak im mogym pumoc, bo w angielskim se dycki nauczycielka wścieko, że oni to muszóm zrobić sami!!

 

Rotary Klub

We czwortek my mieli ostatni Rotary Klub tu w Los Andes. Tak żech miała prezentacje. Uż downo prezentowali Margie z Amandóm a Peik ze Sampym, teraz była kolej na Alexa, Lenarta, Be a mnie. Też my mieli jednym klub, kaj my warzili jaksi typiczne jedzyni z naszych państw, jo piykła chlyb a kołocz. Tak teda we czwortek nas pieknie prziwitali a po wstympie, że je kolej na prezentacje.. A gdo zacznie? No dziołchy przeca, sice my se to przed tym rozlosowali a na mnie zustało ostatni miejsce, ale teraz mnie publikum wybrało jako piyrwszóm, a tak żech szła. Prezentacje se możecie nónść na dole pod textym a pod przispiewkami. Zaprosiłach ich do moji prezentacji a poopowiadałach im o Czeski republice, kulturze, moji rodzinie, mojich zajynciach a przestąpiłch do czynści o roku w Chile, wyszło na mnie miasteczko Los Andes, ale na kóniec to była wygra, też żech im pokozała nasze Rotary aktivity, a potym jak żech jeździła a zwiedzała przez cały tyn rok! Było to cosi super a fakt żech se to użyła, móm neskutecznie moc zażytków!! Podziynkowałach Rotarianóm, przedałach kónecznie Rotary wlajke klubu Ostrava Internacional a aji jakisi ty letaczki,a potym prezentowała B o Belgii, Alex o Szwajcarii a Lenart o Niymcach. Było to super, na wymysły Margie snad nigdy nie zapómnym.. Z Jimmym my odwiyźli synków a troche pogupli.. We czwortek 9.6. eszcze mómy jednóm akcje tak ich eszcze uwidzym.



Czesko Ambasada

W sobote żech se na kóniec rozhodła, że tam pujdym. Tyn dziyn żech miała kupe akcji, ale zwożyłach możliwości a uznałach, że to je nejlepsze. Stowarzyszyni Círculo Checo Chileno organizowało akcje ku uroczystości 700 roków od urodzynio Karola IV. Jo wyjechała z Los Andes  o pół 15, bo ostatnio to miało straszne spuźniyni, ukozało se żech tam na kóniec była strasznie wczas. Cesta busym spoko, jak dycki, potym przynść ku metru, metrym aż na golf, a tam uż to yny dónść ku ambasadzie. Szła żech w klidu, posiedziała na ławce w czwierci Las Condes, troche pochatowała z tatami, a potym szła troche puźni, bo zaproszyni było na 17, a dycki se przeca chodzi puźno (to se tak słószy). Przi wstympu mnie prziwitoł Człónek ambasady a pan ambasador :) Przeciepalimy pore słów a uż żech pokraczowała. Zaczło to uroczystym zagajyniym, niestety tyn razym tam nie był pan konzul. Podowały se różne specjały, zasiedlimy do stołków a po słowie, był "Večerníček". Były 3 króciutki czynści bajeczki na dobranoc "Dějiny Národa Českého", było to suprowe a dlo nieczeskorozumiących, były titulki. Po tych fajnych pore minutach na odreagowani była dłóogo prezentacja o Karolu IV, a wszystki drobności z Pragi co sóm z nim związane, a tak. Krótko przerwa, tak żech pomówiła z panióm, kieróm żech potkała uż rychli na ambasadzie, ale ani za nic żech se nie spómniała jak se nazywo. Przedstawiła mi sowjego syna, tak my se też bawili o wszystkim możnym a była sranda. Cosi o moji wymianie, potym cosi o jego rodzinie a przodkach w Czesku, też totu lato tam leci, tak se mnie pytoł, co je fajne na zwiedzyni, że mo w planu Ostrawe a czy se to opłaci?! Miyndzy tym prziszeł Filip z Bechcerowkóm lemon, że do Chile distribuujóm nowy typ. Po przerwie żech se zaś wróciła na nasze miejsce, a oprócz tego dziadka z kierym żech mówiła na początku a je chilan, żech ziściła, że wedle mnie siedzóm 2 słowiocy. Jedyn je bywały Rotarian a tyn drugi je dystrybutor Rudolfa Jelínka. Także ta siedziba je na południu w Chillanie, a tam se robióm ty kouzla z czeskóm hruškovicóm, też żech se dowiedziała do kierych sklepów w Chile to dowożajóm. :D Uż móm przehled. Tak a w drugi czynści był film o Karlštejnie, tak my musieli przestać mówić, ale stejnie se to nie wymkło komentarzóm: "Nigdy bych nie wierził, że se bydym w Chile w Santiagu dziwać na film o Karlsztejnie" albo "Stejnie to je jaksi dłógi.." No eszcze że to był taki tyn super stary film, ty jo jakby tego nie było dość we szkole... pff! No ale przeżyli my to, jupii! Potym my troche przestawiali stołki a był wystymp grupy "Na zdraví". Tym razym se przigotowali taniec česká beseda, a potym zaś typicznie "červený šátečku". Wygłoszyni cen o nejlepszy obrazek od dzieci a na kóniec na polu były przigotowane klobaski z czornym chlebym a horzcicóm. No fajnie było! Eszcze żech pomówiła z pore ludziami z ambasady a z tancerzami, bo se ukazuje, że kupe ludzi teraz poleci do Czeski republiki, też uż móm specjalne zaproszyni na Trnkobrani ve Vizovicach!! :D Tóż pożegnałach se a metrym uż żech waliła na autobusak. Sice sama po ciymnym Santiagu, ale jo z tym problem nimóm. Zaszłach potwierdzić listek a niestety nejbliższy wolny bus był aż za godzine, grr jak bych se nie pytała zaroz jak żech przijechała :( ale jaa bydóm wolne miejsca aji wieczór! No nic, tak żech zarezerwowała siedzisko a szłach se siednyć na czakani. Siedłach se a słyszym: ANIA?! ... no kogo nie spotkóm, uż tam czakoł aji mój kolega Pancho. Teraz u niego miyszko Bee a w sierpniu jedzie na wymiane do Belgii :) Tak my chwile pomówili a ón teda jechoł o bus rychli, smród se kupił ostatni miejsce.. :D No nic ostatnich 20 minut żech eszcze kuciła, że bych zustała w Santiagu, bo w niedziele mioło być Dia de Patrimonio! Jak żech ziściła, że bych miała zaś czakać, tak żech se na to wykichała a jechała do chałpy.

Powodzie

W niedziele 29.5. prziszły silne prziwalowe deszcze. Faakt fest silne, padało dość dłógo, a też tudy ta ziym zaś tak moc nie wsiąko, a tak dość rychło se nóm cesty przetworzyły na rzeki.
My miyszkómy pod kopieczkym Cerro del Virgen a eszcze na dole ślepej uliczki. To fajne je, że to je z kopieczka a na kóńcu je betonowy mur, tak to je jak napouszczani bazenu, bo woda nimo kaj odciyc. Za 20 minut było wody po kotniki a to uż siągało do wchodowych dwiyrzi. Cało chałpa se zaczła alarmować, aji Jimmy przestoł pracować na kompu, Jenny już lotała kole chałpy a joszczała, no a mało segra ta z tego była ganc paw, bo se wszyscy utopiymy a psy umrzom a ona musi pumogać a no małe dziecko.
Z mojigo blogu byście uż mógli wiedzieć jak to majóm wszystko zorganizowane a jak rychło se dycki nóndzie wszystko, co potrzebujóm. Tak piyrwsze nie były gumoki, potym uż nic wiyncy.. Woda uż była w chałpie, ale fórt loło a wody przibywało. Na dole żech aspóń ze ziymie pozbiyrała wiecy a dałach ich wyży, cosi wyniosła do piyntra, tepich wezła.. :D a tym żech nimiała gumoki a chodziłach tam boso, tak żech wezła małom segre na wrch,aby ich tam tak moc nie stresowała a stejnie za ty 2 minuty miała wode w gumokach. Sice moc nie chciała, ale nikiedy se aji dała ukecać. No jak uż my mieli wode w całym obywaku, jadalni a zaczła se pełnić aji kuchyń, tak żech chciała strasznie pumoc, ale moc nie było co, bo Jenny strasznie hysterczyła a musiałach być przi segrze.. No ale co uż.
 Puźni nasi hasiczi od naprzeciwka nacióngli hadice a czerpadlym se zaczło odczerpować wode. Po jaksim tym czasie uż była ćma, fórt padało, ale woda se odczerpała a zaczło se skludzani, jo fórt była z Cony na wrchu a myślym, że na dole se ich dość motało. Byłach dość zniepokojóno, jak Jenny chciała moje tryczko a moje kratiasy, kurcze óna je dóma aż se zmaże swoje wiecy!! Jak odeszeł Krystian z tatóm a Cony pojechała do kogosi inszego, tak żech mógła kónecznie pumóc aji jo. Plovoucí podlaha sice dosłowa pływała, ale była uż bez bagna w miare czysto yny ze szpar szło kupe wody. Pomyłach ściany, nabytek, rozprostrzyłach gazety, poskludzałach jadalnie, przigotowałach wieczerze, pojedlimy, poskludzałach a szłach spać. Naroczny dziyń..

teraz my sóm przigotowani

  Urodziny Renzo

Byłach zaproszóno właściwie w sobote na urodziny od przyjaciółki brachy Renza, ale siedziałch w busie do Santiaga a uż żech to nie ścigała. Potym w niedziele oslawowali wieczerzóm, to my mieli ale zatopióny dóm a nie szło iść prycz. Tak na kóniec my se domówili, że we wtorek muszym prziść uż fakt. Piyrwsze to było, że asi o 19 a że bydymy robić pizze, no ale na kóniec se troche przeciągły oslawy w Santiagu a przijechoł puźni. Troche mnie zakecoł sómsiad, ale rychłym tempym my tam byli coby dup. Było to w dómu od brata Nicolasa a była tam cało rodzina aji ciocie, wujkowie a kuzyni. Też jego mały bratanek (synovec) Mateo. Tyn był nejlepszy, mo 15 miesiyncy a fajnie współpracuje. Dalimy se pizze, herbatke, pokozali mi jejich ogrómne psiska (Bernski szalasznicki) Tara a Noa :). Było super, poopowiadalimy o wszystkim możnym, też żech poznała nowego wujka, kiery zno kupe ukrajińców z Nowego Jorku.. :D A na kóniec mnie ciocia Jaquelin zawiózła do dómu.