Ostatni tydziyń

Los Riesillos
W niedziele zech byla z kuzynami stanowac. Mielimy plan jechac o 11, ale o polnocy mi napisali ze jadymy uz 7:30, ja to bych se to musiala przeczytac :D Gussepe mnie wyzwednyl, ale stwjnie my eszcze czakali na Renza, tak cajk. Wyjechalimy autym asi 10:30 :D a w tym hycu my szli z krosnami (jo z batohym) do gor. Uz zech to tan znala, ale Renzo studuje nauczyciela wf-u, tak nas miol pod palcym a cale to tam znol. Usadzilimy se blizy wody a dlo mnie fajnie, ze docela nisko. Niestety to nima jak Beskidy, je to cale wyzy a suche, stromy som jak oaza a wode widac z daleka, ku tymu parzi slonce a wszystko kolem rozpolone, dlo mnie to teda przechadzka ruzowym sadym nie byla. Pore razy my spoczli a wszyscy byli radzi, jak sciepali batohy. Zaszlimy ku rzece, ku wodospadu syncy se pokompali, troche my se obczerstwili a szlimy se przynsc ku dalszymu wodospadu. Ta przechadzka se zmiynila troche we skokani po kamiyniach, przelazowani rzeki a potym aji wdrapowani se przez kaskade, ale nic niebezpiecznego to nie bylo, nejgorzi my mogli byc mokrzi, tez ze my byli a dosc! Byla to sranda, pore razy zech se dokozala, ze dokozym niemozne a pore razy nom cosí spadlo a syncy skokali do wody... Stracili my lyzke, bo my mieli ze sebom melón, tez se stracily bryle. Na koniec zech miala durch przemoczone boty, ale usmiych na twarzy a super zazytki! Po krotkim odpoczynku my se wydali bez wiecy na gore ku dalszej mozliwosci oazy, nanieszczynsci my wyszli bez wody. Ku tymu to byla drapa, jak pieron a jo se zapomniala aji szatke na glowe, nietrwalo to dlogo a zaczlach in umiyrac po cescie. Sice zech se starala, ze wszystkich sil, ale bylach dosc marno, uznali ze to je lepsze otoczyc. Na zpateczni cescie my zbiyrali drzewo. Po pore krokach zech zas byla pelno energii, ale myslym, ze to fungowalo yny smierym na dol. W naszym obozowisku zech yny zebrala petke a szla ku rzece po wode, bo susza je dokuczliwo. Uwarzilimy se obiadek, smaczne tiestowiny z sosym, potym herbate a potym prziszel czorny mrok a zaczlo loc! Na poczatku my czakali, ale jak zaczly krupy, tak my postawili stan, abymy zchowali wiecy do niego. Po asi 40 minutach my byli durch mokrzi, ale deszcz przeszel a nasz ogiyn my udrzeli..
Na oslawe my se dali dalszy melon, jak my go zjedli, tak byl konkurs rzezbiynio melonu, a potym my se zabawili gotowaniym instantnigo cheese-cake-ku. Bylo to o dziwo dobre, ale podle nawodu to fungowalo do 1800m. Z bananym to bylo eszcze lepsze a glownie zech se zbawila bananu ;). Godzina 20 byla dosc oczekiwano, bo podle rozkladu, to miala byc rozpoczynajaco godzina. Eszcze my byli wyslani naczelnikym na patyki, bo se pumalu cmilo a chcieli my swiatlo a cieplo. Mielimy muzyke, lodowke, wszystko, co my chcieli, a tak se zaczly debaty. Po dlogim ukecowaniu, zech im puscila, co poslochom, ale byli dosc zaniepokojoni repertoarym, boch wiynkszosc piosynek przeskakowala, aby aspon po angielsku rozumieli. Rano nas obudzilo sloneczko, tak my zaczli kompielom w rzece, wlasciwie jo zaczla boch chciala wysluszac tom sklejzawke a fungowalo to super. Po dyskusji o niebezpiecznych zwierzyntach w Czechach my doszli do wniosku, ze idymy nizy. Zamiast klidnej tunki, my se zas potopiali. Jak my troche uschli, tak my se wrocili a z lodowki wyciongli dalszy melón! :D Na zagrzoci herbatka, na obudzyni kawa a pumalu my se balili. Po posprzataniu a zbalyniu my se wydali na dol do cywilizacji, jak inaczy niz stylowie z muzykom :P Naczasowani bylo perfektni, nasze auto czakalo asi yny pol minuty niz my od pudlice doszli nizy. Potym troche jak w Need for speed z jednym spiochym na kolanach my zajechali az do kuchynie. Uwarzilimy suprowe szpagety z nejlepszymi salatkami. Yny co my se domowili na wieczor, uz mnie Dominique wiozla do domu. Tam bylo pootwiyrane a asi godzine nigdo nie wiedziol zech tam je.

Poniedzialek

Az jak zech plywala w bazenie, tak se mnie Marisabel wszymla. Potym przijechol tata, potym segra z mamóm a potym jo szla prycz. Z Peppym my szli do niego, ale nigdo nie byl, tak ze segrami do Jumba tam z tela nas wezli jaksi kuzyni a uz my mieli plan. Po chwilce przejechala malo Rafa a tak my z niom pobulczeli, postawili stan na balkonie a jak pojechala, tak zas przenoszali jaksi drzewo. Posiedzielimy na balkonie z muzykom, zagralimy jaksi gry, wymysleli plany a rano mnie odkludzili do domu. Jupii zas zaklepac na okno a przed switym doma.

Wtorek
Tyn dziyn nic moc, ale wieczor jak zech se wrocila z przechadzki my szli na urodziny maminego brata malzonki tata (hehe aji se to rymuje). Tam to bylo skoro jako zranica, bylo tam lupa specialnosci. Jaksi arabski listki a zapiykanki a potym nas zaprosili do stolu, pff wszyscy byli pelni, potym dezert a eszcze tort. Z jedzyniym to bylo szalone, ale solenizant miol calkym zaciekawiyni w czeski kuchni. Calkym ciynzko se wyswietlo, co to je knedlik a ze se tu warzi dosc inaczy. Tez mieli zaciekawiyni, kiedy im tu jo cosi uwarzym, to mnie po prowdzie wubec nie lako!! Siedzielimy zas jako ostatni a kole polnocy my se pozbiyrali. Mieli tam suprowego psa Lajke.

Czwortek
To se zapowiadalo tez ciekawie. Piyrwsze na once (wieczerze) o 18 do Gustava, syn maminej kolezanki Coci a z tamtela my jechali asi o 22 na urodziny od Sampa (FIN). To byla kapke wiynkszo akcja a bylo tam dość inboundów. Sice se to miało zaczynać miyndzy 8-9, ale stejnie my tam byli miyndzy piyrwszymi. Prziwitalach se ze synkami Lukas, Johanes, Lennart, Sampo a zbytek żech se spisz opowiadała z Danielóm, kiero se rychli wróciła, ze swoji wymieny w USA. Urodziny były fajne, ale było to tak kapke w grupkach, bo byli koledzy ze Sampowej szkoły, my, studenci z inszych miast a koledzy od Dani :/. Co żech fakt nie czakała było, że maji host rodzice tam wydrżeli asi do 2 w nocy a to tata rano stowoł do roboty o 7. Jo tam zustowała na noc a tak my se bawili aż do rana. Kole 12 nas obudzili, wspólnie my pojedli, co zustało z miynsa a zustałach tam z Margie a Camilym, rodzinka se odjechała do Vina del Mar a po ceście rozwiyźli pore kolegów. My se celkem dobrze zabawili - piyrwsze ping-pong, potym jaksi filmy a jak my uż Sampa o 15 obudzili, tak my se aji karty zagrali. Było to fajne, potym mnie przijechoł wyzwednyć tata, odwiyźli my Margie, natankowali, zajechali se pojczać motorówke a kónecznie o 17 żech była dóma (w piątek)!!

Piątek
Miałach dość głód, ale piyrwsze żech se szła zapływać, potym o dziwo zaś zimno sprcha a potym my kapke powieczerzali. Tatowie kajsi pojechali a jo miała klid a chwile na spocznyci. Asi o 21 my se zaś pozbiyrali a jechali na urodziny od Gustawa!! Dzisio Gus mioł oslawe z kolegami, tak żech mu w podarunku wezła Studentskóm czekulade coch miała (aspóń nie ztłósnym wiyncy). Koledzy nimieli moc nalade se zaznajomiać, tak my były zaś razym z jego siostrzynicami Pióm a Katóm. My se celkem rozumiymy a była sranda. Wiynkszość czasu my grały biliard ;) Oslawa była fajno a o 1 w nocy my se z Mamóm wrócały do dómu. Na dalszy dziyń my miały w planie nakupowani w Santiagu a jo wiedziała, że se mogym dobrze wyspać, bo z Mamóm tam nigdy wczas nie pojadymy, uż aspóń wiym co czakać!