We środe my byli z klasóm na wycieczce w Santiagu. Jechali my na expo uniwersytetu, aby se podziwali, co studować dali. Dziyń przedtym nóm rozdali kartki, kiere nóm tatowie podpisali a mógli my jechać. Wszyscy my mieli szkolnóm bónde a jechalimy szkolnym super busym. Jechol z nami nasz klasowy = tutor a pore rodziców. W busie my dostali swacze a dżus. Bylo to spisz jak selfiemania w busie, celkem szalóne. Na miejscu kónecznie my weszli do arealu, a tam my se rozpusicili, tak na asi 4 godziny. Piyrwsze żech se starala z kimsi być, ale potym żech ziścila, że to je fakt ciekawe a mogym se cosi dowiedzieć. Troche żech se to obeszla a pozbiyrala jaksi informacje, bo jo se też bydym musieć rozmyśleć, co chcym studować. Byly tam ciekawe kierunki, tak żech pozbiyrala ulotki, bo som trefnie napisane a aspóń poćwiczym jynzyk. Jak żech se kapke opamiyntala, tak żech se tam motala sama a moc żech nie widziala inszych. Potym uż żech se ich nie puścila, obeszli my to eszcze roz, wyfasowali dżusik za email a szli pozwiedzać okolice kampusu. Szlach se przynść z Feñom, Kevinym, Mariym, Sofióm, Martinym a Sebóm. Widzieli my aule, parki, stadion a zakempili my na zawodach "handballu". Bylo to dość wcipne, a jak pilka rynczno to wubec nie wyglóndalo, byl to taki chilean style. Potym my se zaś wrócili, potańczyli zumbe, wyrobili fotki a czakalo se na spuźnialskich. Kole 14 my jechali na obiod do Parque Arauco. Wszycy tam cali żhawi z hamburgerami, tak se na mnie troche dziwnie dziwali, bo żech se kupila w Bufecie rybe z ryżym a pomidorami. Zech se cieszyla, że w kóńcu móm jaksi zdrowe dobre jedzyni. Fajne bylo jak se mnie spytali, jeśli to je normalne w Czeski republice, żech moc nie wiedziala, co odpowiedziec, bo na szkolnej wycieczce bych se asi też dala hambacz, ale normalnie to nie jymy.. Potym bylo wolno, tak my pochodzili po sklepach. Potym jedna grupa szla do kina na "Everest" a jo szla ze zbytkym na lyzwy!!
Strasznie żech se cieszyla a fakt tam byly lyżwy aji lodowisko. Troche miynsze to bylo a dość drogi, ale z klasóm a na lodzie! Taki "Kokosy na śniegu", ale wszystkim se moc podobalo. Godzinke my pobruslili, piyrwsze my byli sami, potym prziszel rój malych dziecek, a potym nóm to eszcze zmiynszili, bo prziszly krasobruslarzki. Po tej aktiwicie, żech se chciala dać malóm nie winnóm zmrzke, kaj zech se pytala nimieli, a potym mi koledzy poradzili. Moja nejdrogszo zmrzka w życiu, ale stola za to. Super zdobny kornout, mrożóne owoce, czekuladowy jogurt, zmiksowane a z dozdobiyniym. Byla dobro! Potym my uż jechali zpatki do Los Andes. Przi szkole mnie czakala mama. Bylach zmynczono, tak dóma zech se yny umyla a szla spać.
Žádné komentáře:
Okomentovat