Co se ostatnio stało

Cumpleaños de Isi

We czwortek miała Isi 12 urodziny. Po szkole my mieli dóma kuupa koleżanek, kiere wrzeszczały, skokały po zogrodzie z takimi tymi łukami a pistolkami dlo dziołch, co widać w reklamach. Wszystki przerosłe na to, że miały 11. Nikierym bych typla aji że sóm starsze niż jo. Starałach se im unikać, ale oczywiście to nie szło. Powadziły se a jako sprawno starszo segra, żech ich musiała troche sklidnić a pogodzić, bo nigdo starszy dóma nie był. Byłach domówiono z Arturym, że zóndymy na poczte. Byłach przeszczynśliwo, jak żech wypadła z dómu. Arturo uż czakoł na polu (17:30), eszcze żech se wrócała po obalke, abymy wiedzieli na kieróm poczte iść. Przeszli my se, pokecali a w mieście było przekwapko... poczta była zawrzito! :D Odkludziłach go na douczko i wróciłach se do dómu. W dómu uż czakała Mama z ciocióm a Pancho. Po prowdzie żech wubec nie wiedziła czymu tam był, ale budziż. Owszem ty małe pieróny tam eszcze wszystki były. Jak my byli w pokoju, tak żech odewrziła okno, ale nimach se jisto czy to był nejlepszy napad. Z pola hned prziszło kupe czumilów a obsadzili to aji z drugi stróny. Zamiast se spocznyć, tak żech ich tam zaś uklidniowała! Byłach celkem wściekło, bo mi tam strzylali z tymi pieróństwami a grzebali we wszystkim. Siedzili na oknie, tak żech ich po czasie nie napadnie ściepała (udając że to je zabawa) a zawrziła okno. Potym nimieli komunikacje eszcze żech ich unudziła prezentacjóm a kónecznie fucz :) Szli my se dziwać na fotbal, bo akurat grało CHILE - BRASIL!! Telewiza tu nima moje gusto, reklam wiyncy niż u nas, ludzie to posłóchajóm strasznie moc na głos a programy sóm też sraki (trzeba segra se fórt dziwo na to amerycki wymywani mozku - jaksi serialy jak tam ty dziecka sóm jak dorośli). Tak żech wezła owladacz ściszyła głos a jak była reklama, tak żech to ztlumiła a pieknie wyjaśniła, że to nimóm rada. Pochopeni żech se nie doczkała, ale jak żech se dowiedziała, że zaczyno aż za 20 minut, tak żech se na Pancha ganc wysmoliła. Prziwitałach se z rodzinóm, co prziszła (20:00 a puźni). Pojedli my babcine ciastko Pai de limon a szli se zaś dziwać. Z czasym przijechało wiyncy ludzi a wszyscy wujkowie se szli dziwać. Tym żech była jedyno dziołcha, tak żech se ich spytała czy cosi nie chcóm, tak żech tam dlo wszystkich prziniósła piscole :) W poloczasie my szli oslawić urodziny, sfuknyć świyczki, zjeść dort a zaś spatki ku telewizie. Byłach utropióno, tak żech na chwile zdrzymła w pokojiku. Fórt to same.. skóńczyło to 2:0, tak oslawy były a potym pumało wszyscy odjyżdżali kole 23.
P.S.: Przi tym fotbalu fórt nadowali.

Pióntek u Sampa

W piątek po szkole my byli wszyscy wymienni zaproszóni do dómu Sampa. We szkole byla nuda bo skoro caly dziyn pisali sprawdziany w moji klasie a Lenny nie byl we szkole, tak zech byla sama. Na polu zech se wygrzywala, pisala z kolegami, potym uz to bylo tak nudne zech se zaczla przepusowac zeszyty z gimplu a uczylach se fizyke, abych zwladla potym srownawaczki. Symtam jak gdosi szel do wychodka, tak se na chwile przisiednyl. Akurat syncy Feña a ... z 3°A posiedzieli deli a snazyli se pochopic naszom fizyke(po hiszpansku to zas tak banalni nima) a wytlumaczyc mi matyke (i, z a sec/cosec). Jak zech se wrocila do klasy, tak mnie zas nauczyciel wyciepol, ze se mogym isc bawic z balonym. Zas zech se cosi uczyla, ale teraz byli czwortocy na polu, bo ukecali nauczyciela... Potym klasa skonczyla rychli a tez czakala na polu, tak zech aspon poslochala a uczyla se nowe slowka.
Jak konecznie zadzwonilo, tak my se szly z Margie przewlyc do rifli a tak. Eszcze z "B" my szly do centra na spotkani z Amandom.
Skoczyły my do banki, kaj pracowała mama od Margie a aji zech tam spotkała mame od Pancha! Na rynku my se siedly na laweczke a czakaly, miyndzy tym jak my znudzone cykaly na telefonach, se zaczlo cosi dzioc. W srodku przi fontannie se gromadzili ludzie, bo se tam bili dwo syncy. Amanda kónecznie prziszła, tak my zaszły piyrwsze na zmrzke, ale jo miała głód jak pierón, tak żech zmrzke nie chciała. Potym my skoczyły na drogóm stróne miasta na empanade a zaś spatki na rynek (nikiedy mi głowa stoi z logiki nikierych ludzi). Pojadły my a szły my do pracy mamy od Amandy, kiero nas miała zawiyść do dómu Sampa. Oczywiście my pobłądziły!
W dómu Sampa nas uż prziwitała Mama a cało rodzina. W jejich typicznym posedu uż było wszystko przigotowane na party. Podziwały my se na małe pieski, kiere były troche nietypicznie zagrzebane w dziurze w ziymi, co im mama wykopała. Tak my ich ani moc nie widziały. Grało se ping-pong, zwiedzało farme a Sampo nas wziół ku ohradzie z kóniami. Potym nóm rozdali specjalne kłobuki a szło se wyskuszać jazde na kóniach. Jak se robiły fotki, tak przijechoł Peik.
Było przigotowanych 5 kóniów dlo nas. Moc nas nie przigotowywali, na to żech im raczy rzekła, żech nigdy na kóniu nie jeździła, tak żech se yny dowiedziała doprawa dolewa!! :D Było to fakt lechki, bo kónie strasznie posłóchały. Doszli my do areny, a tam my z poczóntku yny chodzili do kółka, ale potym se aji zrychlowało. Byli my tam dłóógo a wszystkim se moc podobało. Tym że nas było wiyncy, tak żech se wymiyniła z Peikym a potym prziszeł Alex, też kónecznie doraził! "B" jeździ na kóniach od malutka, a tak se nóm asi chciała przedwiyść, ale to sóm insze kónie, a tak jak se rozficzała, tak nie zwladła swojigo kónia a piyrwsze sejmła jedny "wrota" a potym z kóniym narazili do ściany. Przetargła se gacie a była poszkrobano, inacz je cało a nic se nie stało. Tóż Alex hned schytoł tego kónia. Potym uż to była nuda, a tak mnie Sampo wymiynił. bla bla ...po kóniach my mieli wyśmienitóm uczte! Jaksi miynso asi baran a taki typiczne jak w Chile no... ale moc dobre! Pogupli my troche z wujkym Juliym, pograli ze synkami na polu a był wieczór, tak my se zbiyrali do dómu. Celkem mnie dostała reakcja moji chilski mamy. Jak żech ji napisała czy by po mnie mógła puźni przijechać, bo mi to obiecała, tak mi napisała, że leży a nie chce se ji. Naszczynści se ciocia Escalante nabidła, że mnie odwiezie. Tak my eszcze w aucie podrzistały! :)

Pieczyni z babcióm
W sobote żech była sama dóma. Cosi żech rzesziła, tak żech była smutno a Merisabel se tego zaroz wszymła. Pomówiły my, porzesziły, zawołała do Babci a uż my szły. Mami nas zaprosiła na obiod, tak my szły pieszo. Cosi my babci pumógły a nauczyła mnie piyc jedno fajne rychłe ciastko, (mamo muszymy kupić forme na korpus) nazywo se Pai de limon. A śniyg z biółtek se tu też robi ganc inaczy, to je celkem zabawne asi dóma zestrzikóm całóm kuchyń :D, ale je fakt suprowy!! Na obiod my miały suprowego kurczoka z zimiokowóm kaszóm a sosikym (aji grzibki żech zjadła, toch je szykowno, co tatusiu?) Małe kocurki my zkontrolowały, pozamiatałach a szły my z Merisabel zaś zpatki! :) Jaa, eszcze żech zapómniała, że żech od babci tego kupa dostała. Jak mi pokozywała ogródek, tak żech nafasowała kaktusa, potym aji kamiyń (jaksi krzemiyń, abych miała energie w pokojiku) połówke ciastka, boch to upiykła a eszcze kondenzowane mlyko! :D :D Asi abych im tu nie zhubła.
Po połedniu przijechała mama z Isi a od Isi żech dostała podarunek! Tak jak jo ji podarowała nausznice z czeskóm wlajkóm, tak też żech dostała..

Cumpleanos de tia Lili

Wieczór my szli na 21 do cioci na urodziny. Było tam kupe ludzi, ale sami starzi a kuupe jedzynio! Piyrwsze żech se kapke nudziła, ale potym żech se wyhlidła pore "oběti" na konwerzacje. Pełno wujków, ciotek aji kuzynostwa, ale fórt nie wiym, gdo je gdo. Ciocia strasznie rada śpiywo, tak nie chybiało karaoke! Piyrwsze ale asi kole 23 był tort a ważne wydarzynia przez mikrofón.
Szło o to, że my se tam nie zeszli yny tymu,bo mo ciocia urodziny, ale aji tymu, że tam byli nowożeńcy a prawie w tyn moment se to wszyscy dowiedzieli! WOW .. zaś tak moc to nie slawili, pry że wesele dziepro bydzie, ale przitym uż se pobrali, moc se w tym nie chytóm, ale eszcze bydzie sranda! :D No tóż a potym se śpiywało karaoke, a potym my szli. Na to że my odwożali aji Mami, tak my jechali po północy. Ja a segra tam nie była, ale spotkałach panióm, co pochodzo z Chorwacji, ale miyszko tu w Chile a umi fajnie po angielsku. Inacz tam było kupe takich babci na urodzinach, nie wiym od kogo albo czy to były koleżanki, celkem ciynżko se mi to ziszcuje..

ciocia LILI śpiywo

chorwatka = ruzowo westa

Rodzina Munos

W niedziele żech była zaproszóno na obiod do taki fajnej cioci, kieróm żech znała ze szkoły. Ciocia pracuje w kiosku a w jadalni we szkole a mo dwójke dziecek Josefina(14) a Matias(17). A symtam mnie popołedniu weznóm do szkoły albo ze szkoły..
Asi 12:30 mnie wyzwedły autym a zajechali my do jejich dómu, tam żech wszystkich poznała aji tate a babcie a 3 pieski!! Ty psiska były suprowe Claudia-owczak, Lucas-bernski sz. a Niki-smetak. :D Pomówili o wszystkim możnym, co szło. Poopowiadali a pokozali mi fotki z jejich wycieczek na SUR = południe. Wyglóndało to cudownie, uż wiym czymu tam jeżdżóm każde lato. Pytali se na wszystko, tak żech wyjaśniała czeski szkolnictwo, pochodzyni naszego regionu a czymu żech je Zaolzianka, historie a różnice jynzyków, bo se mnie pytali jeśli Czesko pochodzi z Ruska albo Nimiecka.. :D Rachowali my kurzy mien a aji jak jo zwiedzóm z tatami na kołach, a tak..
Potym był tyn suprowy obiod.. piyrwsze chorri-pan (szpekaczek w małym rożku) a potym miynso a ku tymu kupa sałatek (wiynkszość nie wiym jak se nazywo..), ale aji taki zimiokowy sałot tu robióm ciekawie myślym że to je yny zimiok na kostki z majonezóm, ale je to fajne. Dycki je aji dezert, tak żech miała durasno = brzoskwie, ale na wybier było wiyncy. Chwilke my spoczli, óni se domówili a jechali my na gory (asi kole 16). Piyrwsze my mieli jechać kajsi na kołach, rano mi mówili, że zóndymy na kopieczek, ale potym byli tak lyniwi, że my jechali autym aż na wrch z 4x4.. Owszem widok był cudowny! Szkoda, że na fotce to je insze niż w rzeczywistości. Pofocili my a pokochali cudownym miejscym a panoramóm na placke miyndzy gorami. Ty gory tu sóm tak jaksi insze jako że musiały inaczy powstać, bo nie wiym jak to popisać. Zajechali my zaś zpatki, posiedzieli przi telewizie, zaś cosi pobulczeli, ale uż żech se pumału zbiyrała a ciocia mnie zaś odwiózła. Chcóm mnie weznyć na wycieczke na południe, tak jeśli se to podarzi, tak by to było fajniacki!! :)

z Pepinóm

dostałach naszyjnik

Kolotocze

Wieczór żech eszcze szła z tatóm a Isi na kolotocze, bo to miała obiecane. Sice to je konszczek, ale jechali my autym. Isi była jak puszczóno z rzetiezu a chciała wszystko wyskuszać. Piyrwsze szła na jaksi "Small Ben", potym grała cosi z ping-pongowymi balónkami, dziwali my se na kamikaze, powadzili se z tatóm, szła do 7D kina, ciepała na basketowy kosz a na kóniec, jak se fórt pytali, co chcym jo, tak, żech se wybrała strzelnice <3 a wystrzylałach se karty!! Troche znoszała, tak 4/5, ale aspóń se we szkole nie bydym nudzić, bo mom ty karty, jupii! Nic inszego żech nie chciała a eszcze żech se aji zastrzylała :P

Miałach eszcze iść na jednóm party, ale wieczór żech miała rozhowor z mamóm a na kóniec żech była zmynczóno a nie chciało se mi tam. Tak żech szła spać, boch miała obiecane koła na dalszy dziyń..

Poniedziałek
Oczywiście obiecane koła nie były a właściwie całe dopołedni se nic nie robiło. Mógłach aspóń pumoc mamie z obiadym z polotowaru. WOW :D Był to superniacki obiod tudy nazywo se (my to robiymy yny jak mo gdosi głód-tortilla na styl kebabu). Strasznie naroczne! :P Potym my, ale mieli program trza uznać..

Feria costumbraste

Cosi na styl torgu, kaj róźni rzemieślnicy mogóm sprzedować swoji wiecy. Było to ale ze wszystkim, taki gorol bez gorola yny stanki a spiż słabsze ty z prowiantym. Ale ciekawe ty dalsze, głównie se mi podobały ty z recyklowanych wiecy. Na poczóntku mi mama kupiła churros (taki smażóne cosi dłógigo posypane cukrym) a babcia słodki pop-corn a to ani nie wiym czymu nimiałach głód, ale byłach ciekawo jak to szmakuje, tak żech skusiła. Isi wylazła na przełaźnie a nie umiała zeslyźć, to też było zabawne, ale nie wyfociłach to boch se śmioła.. Potym my to tak pumału obeszli, było tam pełno wiecy, ze skóry, ku kónióm, pełno indianskich dupereli, jaksio biżuteria a mydełka. Mami mi kupiła jedny oryngle (wypadajóm jak Isi kapke). Nejwiyncy mnie zaujmnył taki pan, co robił wiecy z recyklowanych wiecy a wapadało to suprowo (naranki z wiczek od piwa, nausznice ze szkła, lampy, szklónki...). Był tam aji stanek z jaksim czarodziejym z aniołkami, kiery podle daty urodzynia poradzioł powiedzieć wszystko, o tym jaki żeś je a co mosz rod a ku tymu eszcze podarowoł karteczke z twojim aniołym stróżym. Potym my z Mami zaszły na farme, to była klotka z kurami a z królikami, potkały my Fernanda, kiery był moc głodny, tak mi wszystko zjod. Naszły my mame a dały se dżusik, taki fajny z ananasu 100%. Pohledały my zbytek, porobiłach pore fotek, bo kecali a mama też chciała andělička. Było wcipne, bo żech tam szła focić taki lalki a troche dali za nimi byli ludzie, tak mi strasznie mawali a pozowali na fotke, tóż żech też dziadków fotła... A potym my szli do dómu.