Concepción

Flakaczka

Ostatni tydziyń we szkole były dlo czwortoków same testy, zkuszki, ensaya a zkuszebni PSU, tak żech miała wolno, bo my wymienni se do tego nie plańtali. ;) We wtorek żech tam skusiła zónść do szkoły, bo popołedniu były normalne lekcje, ale stejnie wszyscy mieli zadania w książce a jo żodnóm nimóm a nudziłach se.. Skróciłach se to z 3,5h yny na 2h a szłach do dómu, bo szkoda marnować czasu yny siedzyniym. Zaprosiłach Amande a Margie na wieczerze, bo my mieli specjalne jedzyni typiczne na południu - Picarones pasado. We środe żech zrobiła pizze, wyzwedła Jenny a Carla w robocie a przikludziła do dómu. We czwortek troche wolnego, troche zmatków, bo my miały obiadwać u Cony, ale czuła se źle, tak se to zruszyło. Przez tydziyń żech se wyspała a dospała wszystko.. 

Concepción

W pióntek rano my stowali o 4, aby my ścigli samolot 7:10. Nasz kierowca mioł kapke spuźniyni, ale na szczynści my wszystko ścigli w porządku a na czas. Na lotnisku troche zmatki, bo moc nie wiedzieli, co se może a co ni (i choć mi twierdzili, że lotajóm kupe), ale to se też wyrzesziło. Lot był w porządku, przistani też, akurat Coni kapke wymyślała a ubekowała. Na lotnisku nas wyzwednył tata od Jimmygo a zawiózł nas do dómu. O 9 my mieli śniodani, Jenny se miyndzy tym odjechała za swojóm babcióm a tatóm. Jo z dziadkami, Jimmym a Coni zajechała do portu marynarzy na walecznóm łódź Huaskar. Ta łódź była peruańsko w walce przi Iquique a pumogała Chilanóm.

Było to ciekawe a na wiyncy dziadek je bywały marynarz, tak my se dostali aji do miejsc w porcie, kaj se normalnie nieśmi. Widziałach aji Fenix, kierym se wycióngało górników, jak była awaria w kopalni. Zwiedzilimy aji czornóm plaże, kaj my pojedli empanady a wysadzili mnie w centrum, kaj mnie wyzwedła Jenny a razym z jejim tatóm my szli na obiod do restauracji. Dziadek je moc sympatyczny, samy wtipek :D.

Z Jenny my potym zaszły do centrum handlowego na pakupki.. Nikiedy mnie aż zarazi, jak nikierzi rychło nakupujóm (uwidzóm, wyskuszajóm a kupióm o inszych opcjach ani nie myślóm - tak se kupiła pohorki, a potym mi ubekowała, że jóm ciśnie palec). No nie wadzi aspóń uż móm aji rifle, abych w zimie nie była yny w jednych :D. Eszcze my ścigli zónść do kafejki, moc pieknej a zisciłach, że wiynkszość turystów z Europy nie słodzi kawe.

Zaś do kaderznickigo salonu, pozbiyrać wiecy a uż my były na ceście, kaj nas czakali Andrea a Andrés. Wziyni nas do swojego dómu, kaj my "mieszkały" cały wikend. Prziwitali nas ze smacznóm wieczerzóm a z rodzicami a małym Maximym. 

W sobote my se obudzili dość puźno, z Jimmym my se domówili, że po obiedzie jadymy do kopalni. Tóż teraz tyn obiod, po surowce my zajechali na ferie (torg), kaj było snad wszystko, tóż mało sesja zdjęciowa.

Obiadek był smaczny a wyskuszałach aji cosi nowego, a mianowicie krabi nóżki. Talyrz se skłodoł yny ze specjalitek - łosoś, krewetki a kraby. Mniam..

Po obiedzie troche trwało niż my se wybrali wszyscy razym, ale w kóńcu my wyruszyli smierym kopalnia!! Niestety o 17, jak my przijechali, uż było zawrzite. Troche zmiana programu a jechalimy do muzea założyciela - Matias Causino, było to dość ciekawe a też dość europejski :D :D..

Troche czary z autym a tez nakup z babcióm a Jimmym, potym wieczerza a konwerzacja dość ciekawo. Wieczór zaś u koleżanki Jenny a skuszani czegosi ciekłego polskigo.

 W niedziele my se zaroz po śniodaniu o 11 zebrali a jechali do kopalni w miasteczku Lota. Było to superowe, razym z nami tam było dużo hiszpanów. Zaś cosi innego niż u nas w Karwinie a na wiyncy jedyno kopalnia, kiero je rozłożono aji pod morzym (cca 17 km).

Puźni my zajechali aji do parku, uż żech myślała, że cosi takigo tu w Chile nie istnieje... :D

Było to super, uż żech se kapke przigotowała, jak bydym wracać, bo klimat tam je dość podobny aż na to, że je jesiyń aktualnie. :D Poobiadwalimy w miejscowym podniku a potym my z Jenny zaszły na "koncert", bo  radio Biobio miało urodziny a tak my były na stadionie na jaksich interpretów a głownie "Los Tres"!!!

Z totalnim slejwakym my se wróciły do dómu Andrey a wspólnie my powieczerzali. Dostałach duużo podarunków, jako pamióntke z kopalni, wode z Patagonii, kieliszek z miedzi.. A wieczór my dlo zmiany wyskuszali cosi chilskigo. :) 

 W poniedziałek Maxi a Andrea pojechali do pracy i szkółki, z Andreésym my pośniodały a ciepnył nas do centra.

Z Cony i dziadkym my zaszli na obiod, zwiedziłach katedrale z pola i uż my se pomykali na lotnisko. Malutki było, a tak szło wszystko wartko. Za chwilke my byli w samolocie, tym razym lot był z silnymi turbulencjami, troche szalone, ale wszystko w porządku (uż na tej ranweji jak my kliczkowali, tak se mi to zdało dziwne..). W Santiagu nas uż zaś czakoł kierowca a jechalimy do dómu w Los Andes. Wycieczka była udano a dalszy dziyń zaś do szkoły.. :)